Watford វាយបកយកឈ្នះ Wolves ឡើងទៅជួប City នៅវគ្គផ្ដាច់ព្រ័ត្រ FA Cup
ថ្ងៃទី០៨ ខែមេសា ឆ្នាំ២០១៩ ម៉ោង 1216PM
ជារឿងគួរឲ្យភ្ញាក់ផ្អើលមួយក្នុងការប្រកួត FA Cup វគ្គពាក់កណ្ដាលផ្ដាច់ព្រ័ត្រកាលពីយប់មិញដោយសារ Wolves បាននាំមុខ Watford ២-០ មុនទៅហើយ ប៉ុន្តែបែរជារងការវាយបកនឹងធ្លាក់ចេញពីកម្មវិធីយ៉ាងសោកស្ដាយជាទីបំផុត។
ការប្រកួតនៅកីឡដ្ឋានជាតិ Wembley កីឡាករ Doherty និង Jiménez បាននាំ សំណាងឲ្យ Wolves នាំមុខ២គ្រាប់មុននៅនាទី៣៦ និង៦២ ប៉ុន្តែសំណាងនេះបានបាត់ទៅវិញនៅ ពេលដែល Deulofeu ស៊ុតបាន១គ្រាប់សងនៅនាទី៧៩ ហើយ Deeney ទាត់ប៉េណាល់ទីតាមស្មើនៅនាទី៩០+។
នៅម៉ោងបន្ថែម១៥នាទី២ដង Deulofeu ដដែលបានក្លាយជាវីរបុរសក្រោយរកបាន១គ្រាប់ទៀតឲ្យ Watford យកឈ្នះការប្រកួត ៣-២ និងត្រូវឡើងទៅជួប Manchester City នៅវគ្គផ្ដាច់ព្រ័ត្រដែលធ្វើឡើងនៅថ្ងៃ ១៨ ខែឧសភា ឆ្នាំ២០១៩ ខាងមុខនេះ៕
អត្ថបទ៖ ពេជ្រ គឹមស្រ៊ិន
