សាំងចុះសាហាវ! មកនៅត្រឹម៣,០៥០រៀល និងម៉ាស៊ូតតម្លៃ២,៨០០រៀល ក្នុង១លីត្រ ចេញផ្សាយ ថ្ងៃទី16 ខែមីនា ឆ្នាំ2020 (ភ្នំពេញ)៖ យោងតាមក្រសួងពាណិជ្ជកម្ម បានចេញសេចក្តីជូនដំណឹង ស្តីពីការកំណត់ថ្លៃប្រេងឥន្ធនៈ ត្រូវលក់រាយតាមស្ថានីយចាប់ពីថ្ងៃនេះ ដល់ថ្ងៃទី៣១ ខែមីនា ឆ្នាំ២០២០ ដោយសាំងធម្មតាត្រូវលក់តម្លៃ ៣,០៥០រៀលក្នុងមួយលីត្រ និងម៉ាស៊ូតលក់ ក្នុងតម្លៃ ២,៨០០រៀលក្នុង១លីត្រ។ សូមជម្រាបថា ការកំណត់ថ្លៃថ្មីនេះ ឃើញថា ចុះថ្លៃបន្តិចបើធៀបនឹង១៥ថ្ងៃមុន ដែលសាំងធម្មតាតម្លៃ ៣,៤៥០រៀល និងម៉ាស៊ូត៣,១៥០រៀលក្នុង១លីត្រ៕
