ទិដ្ឋភាពថ្ងៃចូលរោងជ័យរបស់កញ្ញាម៉ាក សែនសូនីតា ពិតជាស្រស់ស្អាតខ្លាំងណាស់(មានវីដេអូ)

ភ្នំពេញ ៖ ជឿជាក់បងប្អូនមួយចំនួនបានជ្រាបដឹងហើយថា ថ្ងៃនេះជាថ្ងៃចូលរោងជ័យរបស់តារាស្រី ម៉ាក សែនសូនីតា ជាមួយលោក ប៉ុល វិបូ ដែលកំពុងប្រព្រឹត្តិកម្មវិធីទៅនៅសណ្ឋាគារសុខា ដោយមានការចូលរួមពីញាតិមិត្តជិតឆ្ងាយមក​អបអរជូនពរជ័យដល់គូស្វាមីភរិយាថ្មីនេះផងដែរ។ក្នុងនោះដែរមានហ្វេនជាច្រើនលាន់មាត់សរសើរពីសម្រស់ដ៏ស្រស់ស្អាតរបស់ តូតា គ្រប់ៗគ្នា ថានាងពិតជាស្អាតសមសួនក្នុងឈុតសម្លៀកបំពាក់ប្រពៃណីខ្មែរបែបនេះ។ជាក់ស្តែង ទម្រាំឈានដល់មង្គលការនេអ្នកទាំងពីរបានសិក្សាមើលចិត្តថ្លើមគ្នារយៈពេលប្រមាណ ៤ឆ្នាំមកហើយក្នុងនោះលោក ប៉ុល វិបូ ប្រាប់ថា តូតាមានចំណុចល្អជាច្រើន ដែលធ្វើឱ្យលោកពេញចិត្តគឺ នាងជាស្រ្តីមេផ្ទះដ៏ល្អ និងជានារីមានចិត្តបុណ្យ។

ដោយឡែក បើមើលតាមរូបភាពជាច្រើនសន្លឹករបស់នាង ដែលលោក Dee Daniel បានបង្ហោះនោះ ឃើញថា កញ្ញា ម៉ាក សែនសូនីតា នាងកាន់តែមានសម្រស់ស្រស់ស្អាត ជាមួយឈុតដ៏ប្រណីត បូករួមនឹងរូបសម្រស់ មុខមាត់ស្អាតរបស់នាងផងនោះ កាន់តែលេចធ្លោតែម្ដង។យ៉ាងណាមិញ ក្រោយពីបានឃើញ រូបភាពរបស់នាងហើយមានហ្វេនៗជាច្រើនបានចូលរួមអបអរសាទរ និងជូនពរ ទៅដល់ គូស្វាមីភរិយា ថ្មីថ្មោងមួយនេះ ឲ្យមានសុភមង្គល ជួបតែរឿងល្អ ចាប់ពីថ្ងៃនេះតទៅ៕សូមទស្សនាវីដេអូខាងក្រោមនេះ។ ប្រភព៖facebook