ក្បួនឡាន ឯកឧត្ដម គួច ចំរើន បានគ្រោះថ្នាក់ចរាចរណ៍ក្រឡាប់ផ្ងារជើងនៅ ស្រុកបាកាន មុននេះ (បញ្ជាក់មិនមែនរថយន្ត ដែលឯកឧត្តមជិះទេ ជារថយន្តអង្គរក្ស)

ស្រុកបាកាន៖ ជារឿងមួយ ដែលគួរឲ្យភ្ញាក់ផ្អើលយ៉ាងខ្លាំង ដែលមុននេះបន្តិច មានរូបជាច្រើន បានបង្ហោះនៅក្នុងបណ្តាញសង្គមហ្វេសប៊ុក ដែលទាក់ទង នឹងឡានក្បួនរបស់ ឯកឧត្ដម គួច ចំរើន អភិបាល​ខេត្ត​ ព្រះសីហនុ​ ជួបគ្រោះថ្នាក់ចរាចរណ៍នៅ អូតាប៉ោង ស្រុកបាកាន មុននេះបន្តិច ខណៈ​ពេលដែលត្រលប់មកពី​ចូលរួមបុណ្យទន្លេនៅ​ខេត្ត​ បាត់ដំបង។

ចំពោះរថយន្តដែលគ្រោះថ្នាក់ចរាចរណ៍ នៅលើផ្លូវ ជារថយន្ត របស់អង្គរក្សឯកឧត្តម ហើយឯកឧត្តម ក៏មិនបានធ្វើដំណើរ នៅក្នុងរថយន្តមួយនេះដែរ គ្រាន់តែជារថយន្តក្បួនបើកផ្លូវខាងមុខ សម្រួលក្នុងការបើកបរតែប៉ុណ្ណោះ។ ហើយរឿងហេតុដំបូង ក៏មិនទាន់មានអ្នកណាអាចបញ្ជាក់បាននោះដែរ គ្រាន់តែមានរូបថត និង សារបន្តិចបន្តួច នៅក្នុងបណ្តាញសង្គមហ្វេសប៊ុក។

ប៉ុន្តែជាដំណឹងល្អមួយ ដែលឯកឧត្តម គួច ចំរើន មិនបានជួបរឿងអ្វី ដែលធ្វើឲ្យប្រជាពលរដ្ឋមានការសប្បាយចិត្ត យ៉ាងខ្លាំង និងធូរទ្រូង ក្រោយបានលឺរឿងមួយនេះ៕

ព័ត៌មានបន្ថែមអង្គភាព Fast News និងបញ្ជាក់បន្ថែមនៅពេលក្រោយ