ស្ពានអាកាសថ្មើរជើងស្តុបផ្សារដើមគរ ត្រូវបានដាក់ស្ទួចតម្លេីងគ្រោងតួស្ពានដំណាក់កាលទី១ហេីយ ដោយគ្រោងនិងរួចរាល់នៅថ្ងៃទី៥ ខែមិនា ឆ្នាំ២០២០ខាងមុខនេះ
នៅយប់ថ្ងៃទី១៩ខែកុម្ភៈ ឈានចូលថ្ងៃទី២០ ខែកុម្ភៈ ឆ្នាំ២០២០ ចាប់ពីវេលាម៉ោង ២០និង០០នាទី យប់ ដល់ម៉ោង ៦និង០០ព្រឹក ស្ពានថ្មើរជើងផ្សារដើមគរ ដែលមានបណ្ដោយប្រវែង២៧ម៉ែត និងទទឹងប្រវែង៣ម៉ែត ជាលទ្ឋផលគិតមកដល់ថ្ងៃទី១៩ ខែកុម្ភៈ ឆ្នាំ២០២០នេះ សម្រេចបាន ៨៥%ហេីយ ដោយគ្រោងនិងរួចរាល់នៅថ្ងៃទី៥ ខែមិនា ខាងមុខនេះ ។
គូសបញ្ជាក់ថា បច្ចុប្បន្ននៅរាជធានីភ្នំពេញមានស្ពាន អាកាសថ្មើរជើងចំនួន៣កន្លែង បានដាក់អោយដំណេីរការឆ្លងកាត់ ដោយស្ពានអាកាសថ្មើរជើងចំនួន២កន្លែងនៅជម្ពូវ័ន្ត ផ្លូវជាតិលេខ៤ និង នៅចំណុចភ្លើងស្តុបរង្វង់មូលនាង គង្ហីងចំនួន១កន្លែង ។ ដោយឡែកស្ពានអាកាសថ្មេីរជេីងដែលត្រៀម និងរួចរាល់នាពេលខាងមុខ មានស្ពានអាកាសថ្មើរជើងស្តុបផ្សារដើមគរ និងស្ពានអាកាសស្តុបសន្ធរមុខ ។ ស្ពានអាកាសថ្មើជើង ត្រូវបានធ្វេីឡេីងផ្តល់ភាពងាយស្រួលសុវត្ថិភាពដល់ប្រជាពលរដ្ឋនិងជាពិសេសនោះគឺសិស្សសាលា ដើម្បីភាពងាយស្រួលក្នុងការធ្វើដំណើរកាត់បន្ថយការកកស្ទះ និងគ្រោះថ្នាក់ចរាចរណ៍នៅពេលឆ្លងផ្លូវផងដែរ៕
