តៃវ៉ាន់ មានករណីបុរសម្នាក់ស្លាប់ដំបូងគេដោយសារ Covid-19
(បរទេស)៖ យោងតាមជ្ឈមណ្ឌលប្រយុទ្ធជំងឺឆ្លងតៃវ៉ាន់ (CECC) បានឲ្យដឹងថា បុរសអាយុជាង៦០ឆ្នាំដែលរស់នៅតៃវ៉ាន់ និងមិនមានប្រវត្តិធ្វើដំណើរទៅក្រៅនោះឡើយនារយៈពេលថ្មីៗកន្លងមកនេះ គឺបានស្លាប់ហើយ។ បុរសនោះក៏ត្រូវបានរាយការណ៍ផងដែរថា មានជំងឺថ្លើមប្រភេទ B រួមទាំងទឹកនោមផ្អែម។
គួរជម្រាបថា ករណីនេះ បានធ្វើឲ្យចំនួនអ្នកស្លាប់សរុបឡើងដល់១៦៧០នាក់ គិតត្រឹមម៉ោង៧ល្ងាចថ្ងៃអាទិត្យ។ ក្រៅពីករណីស្លាប់នៅចិន ករណីស្លាប់៣ទៀតមាននៅហ្វីលីពីន ជប៉ុន និងបារាំង។ តៃវ៉ាន់ និងហុងកុង ជាតំបន់រដ្ឋបាលពិសេសដែលមានករណីស្លាប់១ករណីរៀងៗខ្លួន៕ (ដោយ៖ ស៊ាងម៉ី)
