ដូណាល់ត្រាំ៖ អរគុណកម្ពុជាដ៏ស្រស់ស្អាត ដែលបានអនុញ្ញាតឲ្យ Westerdam ចូលសំចតចូលក្នុងផែរបស់អ្នក
លោកប្រធានាធិបតីអាមេរិក ដូណាល់ ត្រាំ តាមរយៈ Facebook របស់ខ្លួន បានសរសេរអរគុណដល់កម្ពុជាដែលព្រមទទួលការចុះចតនាវា Westerdam នៃក្រុមហ៊ុនអាមេរិក Carnival Corp នាព្រឹកថ្ងៃទី១៤ខែកុម្ភៈ ឆ្នាំ២០២០ បន្ទាប់ពីជប៉ុនន តៃវ៉ាន់ ហ្គាម ហ្វីលីពីន និងថៃ បានបដិសេធ ដោយសារព្រួយបារម្ភពីករណីអ្នកដំណើរមានជំងឺរលាកសួត COVID-19។
«សូមអរគុណ កម្ពុជាដ៏ស្រស់ស្អាតដែលទទួលយកការសំចតនាវា Westerdam របស់ក្រុម Carnival ចូលក្នុងផែរបស់អ្នក។ សហរដ្ឋអាមេរិកនឹងចងចាំនូវអំពើល្អរបស់អ្នក!» ។
សូមបញ្ជាក់ថា នាវាទេសចរណ៍ខ្នាតយក្សរបស់អាមេរិក Westerdam បានចូលសំចតនៅកំពង់ផែក្រុងព្រះសីហនុ នាព្រឹកថ្ងៃទី១៣ ខែកុម្ភៈ ឆ្នាំ២០២០ បន្ទាប់ពីរកទីសំចតមិនបាន អស់រយៈពេលប្រមាណ ២សប្តាហ៍ បន្ទាប់ពីទទួលបានការអនុញ្ញាតពីប្រមុខរាជរដ្ឋាភិបាលកម្ពុជាសម្តេចតេជោ ហ៊ុន សែន។ ការអនុញ្ញតឱ្យនាវាចូលពីសំណាក់ សម្តេចតេជោគឺបង្ហាញពីការលុបបំបាត់ នូវជំងឺភ័យខ្លាច ដែលកំពុងកើតមាននៅលើពិភពលោក។
សូមជំរាបថា នាវាទេសចរណ៍ខ្នាតយក្ស Westerdam ផ្ទុកអ្នកទេសចរណ៍ចំនួន ៤១ជាតិសាសន៍ ក្នុងនោះជនជាតិអាមេរិកច្រើនជាងគេ មានចំនួនរហូតដល់៦៥១នាក់ ជនជាតិកាណាដា២៧១នាក់ អង់គ្លេស១២៧នាក់ ជាតិសាសន៍ដទៃជាបន្តបន្ទាប់។ ក្រោយពីនាវា Westerdam បានចតនៅកំពង់ផែខេត្តព្រះសីហនុ ឃើញមានវត្តមាន លោកស្រី អេវ៉ា ង្វៀន ប៊ិញ (Eva Nguyen BINH) ឯកអគ្គរដ្ឋទូតបារាំង ប្រចាំនៅកម្ពុជា និងព្រមទាំងតំណាងស្ថានទូត សហរដ្ឋអាមេរិក, កាណាដា, ហូឡង់ និងអូស្ត្រាលីជាដើម បានចុះទៅខេត្តព្រះសីហនុ ដើម្បីចូលរួមសហការជាមួយអាជ្ញាធរ និងត្រួតពិនិត្យជនជាតិរបស់ខ្លួន ដែលស្ថិតនៅលើកប៉ាល់យក្សទេសចរណ៍មួយនេះ៕
ដោយ៖ ស៊ាងម៉ី
