រីយ៉ែរថយន្ត ក្រឡាប់លើប្រពន្ធស្លាប់ភ្លាមៗនៅកន្លែងកើតហេតុ
ថ្ងៃទី០៧ ខែមេសា ឆ្នាំ២០១៩ ម៉ោង 11:09 AM
បន្ទាយមានជ័យ៖ ប្រភពព័ត៌មានបានឱ្យដឹងថា កាលពីវេលាម៉ោង៤និង៤០នាទីទៀបភ្លឺថ្ងៃទី០៧ ខែមេសា ឆ្នាំ២០១៩ ត្រង់ចំណុចផ្លូវជាតិលេខ៥៧A ស្ថិតនៅខាងលិចភូមិចំការគ ឃុំស្វាយចេក ស្រុកស្វាយចេក ខេត្តបន្ទាយមានជ័យ មានករណីក្រឡាប់រថយន្តលើស្រ្តីម្នាក់ឈ្មោះ សន ស្រីមុំ ភេទស្រី អាយុ៣៨ឆ្នាំ បានស្លាប់បាត់បង់ជីវិតភ្លាមៗនៅកន្លែងកើតហេតុ ។
ស្ត្រីជាប្រពន្ធជាអ្នកស៊ីញ៉ូដើម្បីឱ្យប្តីរីយ៉ែរថយន្តដែលមានដឹកទំនិញថយក្រោយ លុះពេលឃើញរថយន្តដឹកទំនិញនោះផ្អៀង ក៏រត់ទៅប្រាប់ប្តីដែរ តែប្តីស្តាប់មិនឮ ស្រាប់តែជាន់ហ្គែរបន្ថែមល្បឿន បណ្តាលឱ្យរថយន្តដឹកទំនិញនោះក្រឡាប់សង្កត់ពីលើប្រពន្ធស្លាប់ភ្លាមៗនៅនឹងកន្លែងកើតហេតុ ។ប្តីប្រពន្ធទាំង០២នាក់ រស់នៅភូមិបាក់ខែង សង្កាត់ព្រែកលាប ក្រុងកំពង់ចាម ខេត្តកំពងចាម ។ក្រោយកើតហេតុ ត្រូវបានគេហៅត្រាក់ទ័រមកឈូសរថយន្តដឹកទំនិញនោះដើម្បីទាញយកសពជនរងគ្រោះចេញមកក្រៅ ៕
អត្ថបទ៖ សីហា
