មាសថ្លៃមិនដូចតម្លៃម៉ាសនៅស្រុកខ្មែរទេ!! គ្រាន់ផ្ទុះវីរុសថ្មីភ្លាម អ្នកលក់លក់ម៉ាសលក់ប្រញាប់យកធ្វើមានតម្លើងតម្លៃម៉ាសថ្លៃគុណនិង៣០
ជាការពិតណាស់ ទាំងខ្យល់ពុល និងវីរុស Corona ថ្មីបានធ្វើឱ្យប្រជាជនទូទាំងពិភពលោក រួមទាំងប្រទេសកម្ពុជាព្រួយបារម្ភខ្លាំង បើទោះបីជាស្រុកខ្មែរយើងមិនទាន់មានករណីណាមួយឆ្លងវីរុសកាចសាហាវមួយនេះយ៉ាងណាក៏ដោយចុះ ជាពិសេសគ្រប់គ្នាបានរកវិធីការពារការឆ្លងរោគរៀងៗខ្លួន នោះគឺការពាក់ម៉ាស់តែម្តង។
ជាក់ស្តែងដោយសារតែរោគថ្មីនេះ តម្រូវការម៉ាស់កាន់តែមានចំនួនច្រើន សូម្បីតែប្រទេសចិនដែលជាប្រទេសផលិតម៉ាស់ក៏ឡើងថ្លៃ ឯស្រុកខ្មែរយើងក៏ប្រឹងដំឡើងថ្លៃសម្បើមណាស់ដែរ ទាំងអ្នកលក់ម៉ាស់ពេទ្យធម្មតានៅក្រៅ និងអ្នកលក់ម៉ាស់ប្រភេទការពារនៅតាមអនឡាញ។
នៅក្នុងនោះមានគណនីហ្វេសប៊ុកមួយឈ្មោះ 丽儿 បានផុសរៀបរាប់ ពីការឆ្លៀតឱកាសកេងប្រវ័ញ្ជឡើងថ្លៃម៉ាសនេះដោយបានរៀបរាប់ថា៖
« ថ្ងៃនេះខ្ញុំបានទៅកន្លែងលក់ថ្នាំពេទ្យមួយកន្លែងដើម្បីទៅរកទិញម៉ាស
Me: សួស្ដីបងមានលក់ម៉ាស់ដែរឬទេ?
អ្នកលក់: មាន
Me: មួយប្រអប់តម្លៃលក់ម៉េចដែរបង ?
អ្នកលក់: ហ៊ានអោយថ្លៃប៉ុន្នាន?
Me: ហា!!! ម៉េចសួរចឹង 🌚
អ្នកលក់: លូវទិញអត់?
Me: ខ្ញុំអត់ដឹងអោយប៉ុន្នានទេ បើបងសួរខ្ញុំចឹង 😣
អ្នកលក់: លូវខ្ញុំលក់មួយប្រអប់ 6$
Me: ហើយមានប៉ុន្នានម៉ាសដែរបង ??
អ្នកលក់: 50
Me: ហា🤧 ខ្ញុំទិញប្រើរាល់ដងតែ 2.5$ ទេ បង
អ្នកលក់: ពីមុនផ្សេងលូវផ្សេង
Me: ហាក??? ម៉េចចឹង
អ្នកលក់: តិចទៀតដាច់ stock ហើយ ហើយអ្នកទិញក៏ច្រើនដែរ
Me: ok បង ចឹងខ្ញុំអត់យកទេ ទៅទិញកន្លែងផ្សេងវិញ 😂
អ្នកលក់: លូវយកទៅ ខ្ញុំចុះអោយ 0.5$
Me: អត់អីទេ បងខ្ញុំអត់យកទេ
អ្នកលក់: លូវហែងហ៊ានអោយខ្ញុំប៉ុន្នាន?
Me: 2.5$ ដូចរាល់ដងបានយក
អ្នកលក់: ចឹងអត់លក់ទេ
Me: ដើរចេញ 🤣
អ្នកលក់ ក៏ហៅថាលូវ 4$ យកអត់?
Me: 🙄🙄 អត់ទេ ទៅទិញកន្លែងផ្សេងវិញ 🤧 ហើយ me ក៏ឡើងម៉ូតូជិះ រៀបនឹងចេញទៅ អ្នកលក់ក៏ហៅ🤦🏻♀️
អ្នកលក់: លូវ 3$ ទិញអត់
Me: ok ខ្ញុំយក ហើយអ្នកលក់ក៏សួរយកប៉ុន្នានប្រអប់
Me: យក មួយសិនបង ហើយបន្ទាប់មកខ្ញុំក៏ថា អរ!! បងសុំទិញថែម 1 ប្រអប់ទៀតទុកប្រើ
អ្នកលក់: បើយកថែម ត្រូវថែមលុយដូចគ្នា ហើយគិតមួយប្រអប់ 3.5?
Me: ហា????? ម៉េចបានចឹងបង😌
អ្នកលក់: អត់មានម៉េចទេ ខ្ញុំលក់អោយហែងថោកជាងគេហើយ ហើយមុននឹងហែងថាយកទេមួយប្រអប់ទេទើបខ្ញុំគិតលក់អោយហែងមួយ 3$ នឹង តែបើហែងយកលើសពីមួយ ខ្ញុំអត់គិតអោយ 3$ ទេ គឺ 3.5$
Me: Nothing to say 🙂
អត់និយាយច្រើនហុចលុយអោយ តែខ្ញុំមានលុយខ្មែរ 6000រៀល ហើយ 5$ មួយសន្លឹក
អ្នកលក់: ទាយម៉ាសុីនគិតលុយយកមកគិត ហើយគាត់ក៏ប្រាប់ខ្ញុំថា « អេ លុយអត់គ្រប់ទេ ខ្វះ500រៀលទៀត
Me: ហាស??? ខ្វះ??? ហើយខ្ញុំក៏យកលុយមកមើលម្តងទៀត 🙃 បង លុយគ្រប់ហើយតាស់
អ្នកលក់: ខ្វះ 500រៀលទៀត ព្រោះអោយលុយខ្មែរមកខ្ញុំ ខ្ញុំទៅទិញគេ គេគិត ដុល្លាជាមួយខ្ញុំ
Me: អរ🙄 »។
គួរឱ្យដឹងផងដែរថាតម្លៃម៉ាស់ពេទ្យធម្មតាគ្រប់ពណ៌ ទាំងពណ៌ផ្ទៃមេឃ ខ្មៅ និងផ្កាឈូក មួយប្រអប់តម្លៃត្រឹមតែ 2,5$ ប៉ុណ្ណោះ ឯការលក់រាយ ២ តម្លៃ ៥០០រៀល ចំណែកឯងម៉ាស់ប្រភេទការពារ N95 និង 3M វិញតម្លៃ 1$ ទៅ 2$ ប៉ុណ្ណោះ តែពេលនេះឡើងថ្លៃគុណនឹង ២០ គុណ ៣០ ឯណោះ ពោលគឺមានតម្លៃ 35$ ៕
