មានតែពាក្យជូនពរ!រំជួលចិត្តក្រោយឃើញ ឧកញ៉ា ឡេង ណាវ៉ាត្រា និយាយថា “មិនមែនខ្លាចសេចក្តីស្លាប់ទេ តែវាលឿនពេក បើកាវះនេះមិនរាលដាល ចាត់ទុកថាបុណ្យសំណាង តែបើរាលដាលមានតែចាកចេញពីភពលោកនេះ ដោយក្ដីរីករាយ”
មហាជនជាច្រើន ពិតជាស្គាល់ ជាក់ជាមិនខាន ឧកញ៉ា ឡេង ណាវ៉ាត្រា នោះ ដែលសព្វថ្ងៃលោកកំពុងតែជោគជ័យក្នុងមុខជំនួញរបស់ខ្លួន។ ចំណែកនៅមុននេះបន្តិច នាថ្ងៃទី ២៣ ខែមករា ឆ្នាំ ២០២០ គេប្រទះឃើញលោក ទើបបានបង្ហោះសារដ៏គួរឲ្យចាប់អារម្មណ៍ និងភ្ញាក់ផ្អើលមួយទាក់ទងជំងឺរបស់លោក លោកបញ្ជាក់ថា៖
“ភាពរឹងមាំប្រើជីវិត កាងារកំលាំងបាយតាំង ពីអាយុ12ឆ្នាំ រហូតមកដល់ពេលនេះអាយុ32 មិនដែលគិតពីសុខភាពឡើយ វិបត្តគ្រួសារ បញ្ហាកើតរាប់រយជំពូកត្រូវបានដោះស្រាយ ហើយបន្តក្ដីស្រមៃរហូត ឆ្លងផុតមកដល់ពេលនេះ តែរឿងដែលមិនអាចដោះស្រាយបានគឺសុខភាព គេងមិនគ្រប់ហូបមិនទៀង ដោះបញ្ហាច្រើន អ្វីដែលសល់គឺជំងឺកាចសាហាវ ។ មិនមែនខ្លាចសេចក្តីស្លាប់ទេ តែវាលឿនពេក បើកាវះនេះមិនរាលដាល ចាត់ទុកថាបុណ្យសំណាង តែបើរាលដាលមានតែចាកចេញពីភពលោកនេះ ដោយក្ដីរីករាយ ។”។
ក្រោយពីឃើញបែបនេះ ធ្វើឲ្យបងប្អូនក្នុងបណ្តាញសង្គមហ្វេសប៊ុកជាច្រើន ដែលធ្លាប់ស្គាល់លោក បានសម្តែងអារម្មណ៍រំជួលចិត្តជាខ្លាំង ព្រមទាំងបានបង្ហោះសារជូនពរឲ្យលោកជួបសំណាងល្អ សុខភាពល្អ ផងដែរ៕
