Hazard ត្រៀមដើររកផ្ទះនៅ Madrid ខណៈកិច្ចព្រមព្រៀងកាន់តែខិតជិត
ខ្សែបម្រើប្រយុទ្ធរបស់ Chelsea កីឡាករ Eden Hazard គ្រោងនឹងចុះកុងត្រាជាមួយ Real Madrid ហើយការផ្ទេររបស់គេទៅកាន់ទឹកដីប្រទេសអេស្ប៉ាញនឹងមកលេងក្នុងពេលឆាប់ៗ។ នេះតាមការចុះផ្សាយរបស់កាសែតអេស្ប៉ាញ Marca។
ប្រភពខាងលើបន្តថា ភាគីទាំង៣គឺ Chelsea Real Madird និង Hazard ខិតជិតឈានដល់កិច្ចព្រមព្រៀង ហើយកីឡាករសញ្ជាតិបែលហ្ស៊ិកនឹងធ្វើដំណើរទៅកានទីក្រុង Madrid ឆាប់ៗ ដោយនឹងចុះកុងត្រារយៈពេល៦ឆ្នាំ។ អធិរាជស ចង់បាន Hazard ខ្លាំង ដើម្បីយកមកជំនួសកន្លែង Cristiano Ronaldo ដែលចាកចេញទៅកាន់ Juventus កាលពីរដូវក្ដៅមុន។
ដំណឹងបន្ថែម Hazard ដែលជាកីឡាករនាំលេងដ៏សំខាន់សម្រាប់ Chelsea បានត្រៀមរួចរាល់ឆ្ពោះទៅកាន់ Madrid ដើម្បីដើររកទិញផ្ទះក្នុងទីក្រុងរបស់អេស្ប៉ាញមួយនេះ។ Real Madird ចាប់អារម្មណ៍លើ Hazard តាំងពីរដូវក្ដៅមុនម្ល៉េះ ប៉ុន្តែពេលនោះ Chelsea ទារដល់២០០លានអឺរ៉ូ ធ្វើឲ្យពួកគេដកខ្លួនចេញវិញ៕
