BREAKING NEWS៖ ចៅបង្កើតអធិរាជសំឡេងមាស ស៊ិន ស៊ីសាមុត បានទទួលមរណភាពហើយ
(ភ្នំពេញ) ៖ ពិតជាពិបាកទទួលយកបានណាស់ តែមួយប៉ប្រិចភ្នែកសោះ លោក ស៊ិន សេដ្ឋកុល ត្រូវជាកូនបង្កើតលោក ស៊ិន ច័ន្ទឆាយ៉ា និងជាចៅបង្កើតអធិរាជសំឡេងមាស ស៊ិន ស៊ីសាមុត បានទទួលមរណភាព ដោយសារជំងឺ ដាច់សរសៃឈាមខួរក្បាល ក្នុងជន្មាយុ ៣៨ឆ្នាំ។
លោក ស៊ិន សេដ្ឋកុល គឺជាចៅ ជាកូន ជាប្តី ជាបងប្អូន និងជាឪពុកដ៏មានចរិតស្លូតបូត សុភាពរាបសារ គោរពចាស់ទុំ និងជាបង្គោលដ៏រឹងមាំរបស់គ្រួសារ។ ការបាត់បង់ លោក ស៊ិន សេដ្ឋកុល គឺជាការបាត់បង់ធនធានដ៏កម្រមួយ។
សូមចូលរួមរំលែកទុក្ខ និងសូមបួងសួងដល់ដួងវិញ្ញាណក្ខន្ធលោក ស៊ីន សេដ្ឋកុល បានស្ងប់សុខទៅកាន់សុគតិភាពកុំបីឃ្លៀងឃ្លាតឡើយ។
សូមបញ្ជាក់ថា សពលោក ស៊ិន សេដ្ឋកុល តម្កល់ធ្វើបុណ្យតាមប្រពៃណី នៅផ្ទះលេខ156បេ ផ្លូវលេខ27 សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ៕
