លទ្ធផលការងារ របស់ប្រតិភូគណបក្សយុវជនកម្ពុជា នៃឧត្តមក្រុមប្រឹក្សាពិគ្រោះ និងផ្ដល់យោបល់ សម្រេចបានដំណោះស្រាយជូនប្រជាពលរដ្ឋជាង ៣២០០គ្រួសារ
(ភ្នំពេញ)៖ យោងតាមរបាយការណ៍វាយតម្លៃការងារ ១៦ខែដំបូងកន្លងមក ចាប់ពីខែកញ្ញា ២០១៨ ដល់ខែធ្នូ ឆ្នាំ២០១៩ នៃប្រតិភូគណបក្សយុវជនកម្ពុជា និងទិសដៅ
ក្រុមការងារសម្រាប់ឆ្នាំ២០២០ ក្នុងក្របខណ្ឌ
ឧត្តមក្រុមប្រឹក្សាពិគ្រោះ និងផ្តល់យោបល់។
ក្នុងប្រតិភូគណបក្សយុវជនកម្ពុជា បានទទួលពាក្យបណ្តឹង ពីប្រជាពលរដ្ឋ ឈានទៅដល់ការចុះបេសកកម្ម សិក្សាអំពីបញ្ហាឈម រកតម្រុយពត៍មានពិត បានចំនួន ១១ករណី និងចុះសិក្សាបានចំនួន ៣៦លើក។
គួរជំរាបជូនថា ឧត្តមក្រុមប្រឹក្សាពិគ្រោះនិងផ្តល់យោបល់ ដែលជាយន្តការថ្មីមួយរបស់រដ្ឋាភិបាលកម្ពុជា ត្រូវបានបង្កើតឡើង តាមព្រះរាជក្រឹត្យព្រះមហាក្សត្រ ចុះថ្ងៃទី ៦ ខែកញ្ញា ឆ្នាំ២០១៨ ក្រោយពីការបោះឆ្នោតជាតិដ៏ចម្រូងចម្រាស់ កាលពីខែកក្កដា ឆ្នាំ២០១៨។ ឧត្តមក្រុមប្រឹក្សាពិគ្រោះនិងផ្តល់យោបល់នេះ មានសមាសភាពមកពីគណបក្សនយោបាយចំនួន ១៦ ក្នុងចំណោមគណបក្សនយោបាយចំនួន២០ ដែលបានចូលរួមការបោះឆ្នោត កាលពីខែកក្កដា ឆ្នាំ ២០១៨ តែមិនទទួលបានសំឡេងគាំទ្រពីប្រជាពលរដ្ឋនោះទេ។ សមាជិកឧត្តមក្រុមប្រឹក្សានេះ មកពីគណបក្សនយោបាយទាំង១៦គណបក្ស ដែលមានឋានៈស្មើទេសរដ្ឋមន្ត្រី និងរដ្ឋមន្ត្រីសម្រាប់ប្រធាន និងអនុប្រធានគណបក្សនយោបាយនីមួយៗ។ នេះបើយោងតាមព្រះរាជក្រឹត្យ ចុះថ្ងៃទី ៦ ខែកញ្ញា ឆ្នាំ២០១៨៕
អត្ថបទ៖ ស៊ាងម៉ី
