ពាក់ពន្ធ័មន្ត្រីយោធាពាក់ផ្កាយពីរលួចបូមខ្សាច់លុបឆ្នេរសមុទ្រ លោកពេជ្រ ស្រស់ ថា បានដាក់របាយការណ៍ផ្លូវការជូនទៅសម្តេចតេជោរួចរាល់ហើយ
ពាក់ពន្ធ័នឹងមន្ត្រីយោធាពាក់ផ្កាយពីរលួចបោះបង្គោល និងបូមខ្សាច់លុបឆ្នេរសមុទ្រ នៅក្រុងខេមរភូមិន្ទ ខេត្តកោះកុង លោកពេជ្រ ស្រស់ ថា នៅព្រឹកនេះ រូបខ្ញុំបានដាក់របាយការណ៍ផ្លូវការជូនទៅសម្តេចតេជោរួចរាល់ហើយអំពីសកម្មភាពរបស់លោកផ្កាយ០២ ទុន ដៀតដែលបានធ្វើសកម្មភាពចាក់ដី ដើម្បីយកដែនសមុទ្រនៅខេត្តកោះកុង។
តាមទំព័រហ្វេសបុករបស់ប្រធានគណបក្សយុវជនកម្ពុជា នៅថ្ងៃទី២៣ ខែធ្នូ នេះបានអោយដឹងថាខ្ញុំសូមជម្រាបជូនបងប្អូនជនរួមជាតិឲ្យបានជ្រាបថា៖នៅព្រឹកនេះ គឺ រូបខ្ញុំបានដាក់របាយការណ៍ផ្លូវការជូនទៅសម្តេចតេជោរួចរាល់ហើយអំពីសកម្មភាពរបស់លោកផ្កាយ០២ ទុន ដៀតដែលបានធ្វើសកម្មភាពចាក់ដី ដើម្បីយកដែនសមុទ្រនៅខេត្តកោះកុង។
លោកថា កិច្ចការរបស់ខ្ញុំគឺខ្ញុំបានធ្វើអស់ហើយនៅឡើយរង់ចាំចំណាត់ការរបស់រដ្ឋាភិបាលតែប៉ុណ្ណោះ។
សូមរំលឹកថា កាលពីពេលថ្មីលោក ពេជ្រ ស្រស់ បានអោយដឹងថា ក្រោយពីរូបខ្ញុំដាក់របាយការណ៍ទៅ រដ្ឋាភិបាលជុំវិញផ្កាយ២ ទុន ដៀតចាក់ដីលុបសមុទ្រ ដែលខ្ញុំមានទាំងភស្តុតាងគ្រប់គ្រាន់ ហើយបើសិនជារដ្ឋាភិបាលមិនមានចំណាត់ការដើម្បីដណ្តើមដែនសមុទ្រពីលោកផ្កាយ២ទុន ដៀត មកធ្វើជាសម្បត្តិរដ្ឋវិញទេគឺខ្ញុំនឹងសម្រេចចិត្តចុងក្រោយគួរតែបន្ត ឬចាក់ចេញពី ឧត្តមក្រុមប្រឹក្សាពិគ្រោះ និងផ្តល់យោបល់។ អ្វីដែលខ្ញុំនិយាយ គឺខ្ញុំនឹងធ្វើ។
គួររំលឹកដែរថា កាលពីថ្ងៃទី១ ខែធ្នូ ឆ្នាំ២០១៩ លោកពេជ្រ ស្រស់ បានបង្ហាញព័ត៌មានថា «ស្របពេលអាជ្ញាធរខេត្តកោះកុងកំពុងរវល់ដោះស្រាយទំនាស់ដីធ្លីនៅតាមបណ្តាស្រុក បែរជាឈ្មួញដីឈ្មោះ ទុន ដៀត ដែលគេស្គាល់ថាជាមន្ត្រីយោធាពាក់ផ្កាយពីរ បានសម្ងំលួចបោះបង្គោល និងបូមខ្សាច់លុបឆ្នេរយ៉ាងរំភើយ»៕
