លោក ពេជ្រ ស្រស់ ថា ផ្កាយ២លោក ទុន ដៀត អាចនឹងជ្រុះផ្កាយចេញពីស្មា
កោះកុង៖ ពាក់ពន្ធ័នឹងមន្ត្រីយោធាពាក់ផ្កាយពីរលួចបោះបង្គោល និងបូមខ្សាច់លុបឆ្នេរសមុទ្រ នៅក្រុងខេមរភូមិន្ទ ខេត្តកោះកុង លោកពេជ្រ ស្រស់ ថា ផ្កាយ២លោក ទុន ដៀត អាចនឹងជ្រុះផ្កាយចេញពីស្មា។
បើយោងតាមទំព័រហ្វេសបុករបស់ប្រធានគណបក្សយុវជនកម្ពុជា នៅថ្ងៃទី២១ ខែធ្នូ នេះបានអោយដឹងថា ផ្កាយ២លោក ទុន ដៀត អាចនឹងជ្រុះផ្កាយចេញពីស្មានេះបើយោងទៅតាមប្រសាសន៍របស់សម្តេចតេជោនៅមុននេះបន្តិច ដែល ផ្កាយ ០២ នេះ បានចាក់ដីលុបសមុទ្រមិនខ្លាចព្រះខែសោះ។
លោកពេជ្រ ស្រស់ បន្តថា ខ្ញុំ សុំអបអរសមុទ្រទិសខេត្តកោះកុងដែលជិតបានរំដោះមកវិញហើយនិងសូមអរគុណសម្តេចតេជោផងដែរ ។
សូមរំលឹកថា កាលពីពេលថ្មីលោក ពេជ្រ ស្រស់ បានអោយដឹងថា ក្រោយពីរូបខ្ញុំដាក់របាយការណ៍ទៅ រដ្ឋាភិបាលជុំវិញផ្កាយ២ ទុន ដៀតចាក់ដីលុបសមុទ្រ ដែលខ្ញុំមានទាំងភស្តុតាងគ្រប់គ្រាន់ ហើយបើសិនជារដ្ឋាភិបាលមិនមានចំណាត់ការដើម្បីដណ្តើមដែនសមុទ្រពីលោកផ្កាយ២ទុន ដៀត មកធ្វើជាសម្បត្តិរដ្ឋវិញទេគឺខ្ញុំនឹងសម្រេចចិត្តចុងក្រោយគួរតែបន្ត ឬចាក់ចេញពី ឧត្តមក្រុមប្រឹក្សាពិគ្រោះ និងផ្តល់យោបល់។ អ្វីដែលខ្ញុំនិយាយ គឺខ្ញុំនឹងធ្វើ។
គួររំលឹកដែរថា កាលពីថ្ងៃទី១ ខែធ្នូ ឆ្នាំ២០១៩ លោកពេជ្រ ស្រស់ បានបង្ហាញព័ត៌មានថា «ស្របពេលអាជ្ញាធរខេត្តកោះកុងកំពុងរវល់ដោះស្រាយទំនាស់ដីធ្លីនៅតាមបណ្តាស្រុក បែរជាឈ្មួញដីឈ្មោះ ទុន ដៀត ដែលគេស្គាល់ថាជាមន្ត្រីយោធាពាក់ផ្កាយពីរ បានសម្ងំលួចបោះបង្គោល និងបូមខ្សាច់លុបឆ្នេរយ៉ាងរំភើយ»៕
