ខេត្តកំពត កំពុងទទួលបានគម្រោងអភិវឌ្ឍន៍លំនៅឋានបែបទេសចរណ៍
(កំពត)៖ ក្រុមឯកជនមួយគ្រោងវិនិយោគអភិវឌ្ឍន៍លំនៅឋានបែបទេសចរ នៅតំបន់ក្បាលរមាស ឃុំត្រពាំងសង្កែ និងកោះតូចទាំងពីរ ឃុំកំពង់សំរោង និងឃុំជុំគ្រៀល ស្រុកទឹកឈូ ខេត្តកំពត។
ក្នុងជំនួបជាមួយនឹងអភិបាលខេត្តកំពត លោក ជាវ តាយ តំណាងក្រុមហ៊ុន TARGET ESTATE and ASSET MANAGEMENT ស្នើសុំគោលការណ៍អនុញ្ញាតវិនិយោគអភិវឌ្ឍន៍តំបន់ខាងលើនេះ។
លោក ដាញ់ សារី អនុប្រធានមន្ទីររៀបចំដែនដី នគរូបនីយកម្ម សំណង់ ខេត្តកំពត ដែលទើបតែទទួលបានដំណែងថ្មីៗនេះ បានបញ្ជាក់ថា ក្រុមហ៊ុនTARGET ESTATE and ASSET MANAGEMENTបានស្នើសុំ៦ទីតាំង ស្ថិតនៅឃុំចំនួន៣ ដោយក្រុមហ៊ុនបានទិញពីប្រជាពលរដ្ឋ ហើយមានតែ០១ទីតាំងប៉ុណ្ណោះដែលកំពុងដំណើរការ។
ចំណែក លោក ជាវ តាយ អភិបាល នៃគណៈអភិបាលខេត្តកំពត បានតម្រូវឱ្យក្រុមការងារថ្នាក់ខេត្តសហការជាមួយរដ្ឋបាល ស្រុកទឹកឈូបន្តដោះស្រាយធ្វើយ៉ាងណាប្រកបដោយតម្លាភាព និងយុត្តិធម៌ ពិសេសបន្តដោះស្រាយការវិវាទនានារវាងក្រុមហ៊ុនជាមួយប្រជាពលរដ្ឋឱ្យទទួលបានប្រសិទ្ធភាព៕
