ភ្ញាក់ផ្អើលមិនស្ទើ! ចេះតែឆ្ងល់មនុស្សជិះម៉ូតូឆ្លងស្ពានចេះតែដួលដោយខ្លួនឯងច្រើនគ្រឿងម្លេះ ដល់ពេលទៅសួរនាំគាត់ទើបដឹងថាគាត់ដួលដោយសារតែ…….

ថ្ងៃទី ០៣ ខែមីនា ឆ្នាំ២០១៩ម៉ោង 6:56PM

ភ្នំពេញ ៖ មានហេតុការណ៍ដ៏គួរឱ្យភ្ញាក់ផ្អើលមួយបានកើតឡើងខណៈពេលដែលមានម៉ូតូជាច្រើនគ្រឿងបានជួបគ្រោះថ្នាក់ដួលដោយខ្លួនឯងនៅលើស្ពានជ្រោយចង្វារទី១ ដែលទើបនឹងត្រូវបានសម្ភោធកាលពីព្រឹកមិញនេះ ដោយសារតែប្រជាពលរដ្ឋមិនបានប្រុងប្រយ័ត្ន និងមិនបានគោរពទៅតាមគន្លងផ្លូវដែលគេបានបែងចែកសម្រាប់រថយន្ត និងម៉ូតូ ដែលហេតុការណ៍ដ៏គួរឱ្យភ្ញាក់ផ្អើលនេះបានកើតឡើងនាព្រឹកថ្ងៃពុធ ទី០៣ ខែមេសា ឆ្នាំ២០១៩នេះ។

យោងតាមការឱ្យដឹងពីអ្នកដែលបានឃើញហេតុការណ៍ និងអ្នកដែលបានជួយសម្រួលចរាចរណ៍នោលើស្ពាននោះបានឱ្យដឹងថា ម៉ូតូជាច្រើនគ្រឿងដែលជួបគ្រោះថ្នាក់ចរាចរណ៍នោះគឺដោយសារតែពួកគាត់បានជិះបំពានមិនគោរពទៅតាមគន្លងផ្លូវដែលគេបានបែងចែក ព្រោះនៅលើស្ពានថ្មីនោះមានគន្លងដែលគេបែងចែកសម្រាប់ម៉ូតូដែលគន្លងនោះមានកំពស់ខ្ពស់ជាផ្លូវរបស់រថយន្ត ដែលជាហេតុធ្វើឱ្យប្រជាពលរដ្ឋដែលបើកបរឆ្លងគំនូសមិនប្រុងប្រយ័ត្នបានដួល ដោយសារតែគាត់គិតថាជាផ្លូវរាបស្មើរ។

គួរបញ្ជាក់ផងដែរថា នៅព្រឹកថ្ងៃពុធ ទី០៣ ខែមេសា ឆ្នាំ២០១៩នេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងលោក ហ៉ីដេហ៉ីសា ហូរីណូឈិ (Hidehisa Horinouchi) ឯកអគ្គរាជទូតជប៉ុនប្រចាំនៅកម្ពុជា បានអញ្ជើញកាត់ខ្សែបូរួមគ្នា ស្ពានជ្រោយចង្វារទី១ បានដាក់ឱ្យដំណើរការឡើងវិញ បន្ទាប់ពីបានជួសជុលកែលំអររួចរាល់៕

អត្ថបទ ៖ ពេជ្រ គឹមស្រ៊ិន