ស្អែកនេះហើយ! ត្រៀមទៅរកមើលសៀវភៅរាប់ម៉ឺនក្បាល នៅពិព័រណ៍សៀវភៅកម្ពុជា ដ៏ធំបំផុតប្រចាំឆ្នាំ២០១៩

(ភ្នំពេញ)៖មិត្តៗយុវវ័យ និស្សិត សិស្សានុសិស្ស និងអ្នកស្រឡាញ់ជាសៀវភៅទាំងអស់ប្រាកដជាស្គាល់ហើយពីកម្មវិធីពិព័រណ៍សៀវភៅកម្ពុជា ដែលជាកម្មវិធីដ៏ល្អក្នុងការបង្កើតវប្បធម៌នៃការអានដល់ប្រជាជនកម្ពុជា ហើយវាបានប្រព្រឹត្តទៅចំនួន ៧លើកទៅហើយ ។

នាឆ្នាំ ២០១៩ខាងមុខនេះ ពិព័រណ៍សៀវភៅកម្ពុជាដ៏ធំប្រចាំឆ្នាំលើកទី៨ នឹងរៀបចំឡើងនៅបណ្ណាល័យជាតិកម្ពុជា ខាងលិចវត្តភ្នំជាថ្មីម្តងទៀត ចាប់ពីថ្ងៃទី ១៣ ដល់ថ្ងៃទី១៥ ខែធ្នូ ។ រយៈពេល ៣ថ្ងៃនេះ ពិព័រណ៍សៀវភៅកម្ពុជានឹងមានកម្មវិធីកម្សាន្តជាច្រើនសម្រាប់កុមារ និងយុវជនដែលស្រឡាញ់ការអាន ។ ​បន្ថែមពីនេះទៅទៀត ពិព័រណ៍សៀវភៅកម្ពុជាក៏មានការសម្តែងពីកុមារតូចៗ និងការនិទានរឿងពីសំណាក់អង្គការធ្វើការខាងវិស័យអំណានមួយចំនួនផងដែរ ។

អ្វីដែលពិសេសសម្រាប់ឆ្នាំនេះ គឺកម្មវិធីមានការចូលរួមពីគ្រិះស្ថានបោះពុម្ពផ្សាយ បណ្ណាគារ និងអ្នកនិពន្ធរហូតជាង ១៣០ស្តង់ ។ ដូច្នេះកុំភ្លេចចូលរួមដោយសេរីឱ្យបានច្រើនកុះករដើម្បីទិញសៀវភៅក្នុងតម្លៃពិសេស ព្រមទាំងមាន​ឱកាសជួបអ្នកនិពន្ធខ្មែរជាច្រើនរូបផងដែរ អ្វីដែលពិសេសសម្រាប់ឆ្នាំនេះ គឺកម្មវិធីមានការចូលរួមពីគ្រិះស្ថានបោះពុម្ពផ្សាយ បណ្ណាគារ និងអ្នកនិពន្ធរហូតជាង១៣០ស្តង់ ។ ដូច្នេះកុំភ្លេចចូលរួមដោយសេរីឲ្យបានច្រើនកុះករដើម្បីទិញសៀវភៅក្នុងតម្លៃពិសេស ព្រមទាំងមាន​ឱកាសជួបអ្នកនិពន្ធខ្មែរជាច្រើនរូបផងដែរ ៕