បវកញ្ញាកម្ពុជា បង្ហាញខ្លួនក្នុងវគ្គប្រកួតបឋមនៃកម្មវិធី Miss Universe ដើរបង្ហាញឈុតប៊ីគីនី និងឈុតរាត្រីសមោសរ ពោរពេញដោយភាពជឿជាក់
កម្មវិធីប្រកួតសម្រស់ដ៏ធំលំដាប់ថ្នាក់ពិភពលោក បវកញ្ញាចក្រវាល២០១៩ Miss Universe 2019 បានឈានមកដល់វគ្គប្រកួតបឋមហើយ ដោយបេក្ខនារីទាំង៩០ប្រទេសនឹងត្រូវដើរបង្ហាញក្នុងឈុតណែនាំខ្លួន ឈុតប៊ីគីនី ឈុតរាត្រីសមោសរ និងឈុតតំណាងជាតិ ដែលការប្រកួតនេះកំពុងធ្វើនៅ Atlanta, Georgia សហរដ្ឋអាមេរិក យប់ថ្ងៃទី០៦ ខែធ្នូ ឆ្នាំ២០១៩ ត្រូវនឹងព្រឹកថ្ងៃទី០៧ ខែធ្នូ នៅកម្ពុជា។
ក្នុងនោះផងដែលបវកញ្ញាកម្ពុជា កញ្ញា សំណាង អេលីណា បានធ្វើការប្រកួតបានយ៉ាងល្អ ដោយការណែនាំខ្លួន ការដើរក្នុងឈុតប៊ីគីនី និងឈុតរាត្រីសមោសរ បានដើរបង្ហាញរួចរាល់ ពោរពេញដោយភាពជឿជាក់ និងធ្វើឲ្យអ្នកគាំទ្រកម្ពុជា កោតសរសើរមិនដាច់ពីមាត់។ យ៉ាងណាមិញបន្តិចទៀតនេះនឹងការប្រកួតឈុតតំណាងជាតិកុំភ្លេចលើកទឹកចិត្តបវកញ្ញាកម្ពុជា នៅក្នុងការប្រកួតសម្រស់ដ៏ធំមួយនេះ៕ តោះមកមើលការដើរបង្ហាញនៅខាងក្រោមនេះ៖ 
