ភ្ញាក់ផ្អើលពេលដឹងពីប្រវត្តិជំនួបរបស់ Salah ប៉ះក្លឹបធំៗទាំង ៦ក្នុង PL នៅរដូវកាលនេះ
ថ្ងៃទី ០២ ខែមេសា ឆ្នាំ ២០១៩ ម៉ោង 6:33PM
ខ្សែប្រយុទ្ធក្លឹប Liverpool កីឡាករ Mohamed Salah រកគ្រាប់បាល់បានច្រើនដែរក្នុង Premier League តែដូចជាមិនសូវមានយីអ៊ុនសោះពេលលេងទល់នឹងក្លឹបធំៗទាំង ៦នៅរដូវកាល ២០១៨/១៩នេះ។
ក្នុងរដូវកាលនេះដែរ ខ្សែប្រយុទ្ធអេហ្ស៊ីបរូបនេះលេងទល់នឹងក្លឹបធំៗចំនួន ៩ប្រកួត ប៉ុន្តែរកគ្រាប់បាល់បាន ១គ្រាប់ និងបញ្ជូនបាល់ឲ្យមិត្តរួមក្រុមស៊ុតបញ្ចូលទីបានតែ ១ដងតែប៉ុណ្ណោះ។
/sportevezzzzzzzzzzzzzzzzzzzzzzzzzzzzz/raksmey/sportevezzzzzzzzzzzzzzzzzzzzzzzzzzzzzzzzzzzz(3)/sportevezzzzzzzzzzzzzzzzzzzzzzzzzzzzzzzzzzzz(8)/sportevezzzzzzzzzzzzzzzzzzzzzzzzzzzzzzzzzzzz(9)/5ca2f34c8d58f_1554182940_large.jpg)
មួយគ្រាប់នោះទៀតសោត គឺបានពីការស៊ុតបាល់ពិន័យ ១១ម៉ែត្រ នៅពេលដែលក្លឹប Liverpool យកឈ្នះក្លឹប Arsenal ៥-១ ក្នុងកីឡដ្ឋាន Anfield នៅចុងខែធ្នូ ឆ្នាំ២០១៨ កន្លងទៅ។ ចំពោះ Assist ម្ដងនោះ ក៏កើតឡើងក្នុងប្រកួតដូចគ្នាដែរ។
គិតត្រឹមពេលនេះក្នុងរដូវកាល ២០១៨/១៩ Salah រកបានគ្រាប់បាល់ចំនួន ១៧គ្រាប់ ក្នុង ៣០ប្រកួតនៃ Premier League និង២០គ្រាប់គ្រប់កម្មវិធី ខណៈរដូវកាលមុន រូបគេរកបានរហូតដល់ទៅ ៣២គ្រាប់ ក្នុងលីគកំពូលអង់គ្លេស និង៤៤គ្រាប់គ្រប់កម្មវិធីទាំងអស់៕
អត្ថបទ ៖ ពេជ្រ គឹមស្រ៊ិន
