ផ្លូវសំខាន់ៗមួយចំនួននៅភ្នំពេញ ត្រូវបិទមិនធ្វើចរាចរណ៍ក្នុងឱកាសពិធីបុណ្យអុំទូក
ផ្លូវសំខាន់ៗមួយចំនួននៅក្នុងក្រុងភ្នំពេញត្រូវបិទមិនអោយម៉ូតូ រ៉ឺម៉ក ឬរថយន្តបើកចេញចូលក្នុងឱកាសពិធីបុណ្យអុំទូក ដើម្បីកាត់បន្ថយការកកស្ទះ ជាពិសេសគឺបង្ករលក្ខណ:ងាយស្រួលដល់បងប្អូនប្រជាពលរដ្ឋក្នុងការដើរចូលមកទស្សនាកម្មវិធីកំសាន្តនានា ក៏ដូចជាពិធីប្រណាំងទូក។ នេះយើយោងតាមគេហទំព័ររបស់អគ្គស្នងការនគរបាលជាតិ។
ផ្លូវដែលត្រូវបិទមានដូចខាងក្រោម ផ្លូវ ២៩៤ កែងផ្លូវនរោត្តម, ផ្លូវសុរ៉ាម្រិត កែងនាគបាញ់ទឹក, ផ្លូវ ២៤០ កែងផ្លូវព្រះស៊ីសុវត្ថិ, ផ្លូវ ២៤០ កែង ផ្លូវសុធារស់, ផ្លូវប៉ាស្ទ័រ ៥១ កែងវត្តលង្កា, ផ្លូវ២៤០ កែងផ្លូវប៉ាស្ទ័រ ៥១, ផ្លូវ ២២២ កែងផ្លូវប៉ាស្ទ័រ ៥១, ផ្លូវ ១៨៤ កែងផ្លូវនរោត្តម, ផ្លូវ ២៤០ កែងផ្លូវនរោត្តម, រោងកុនលុច្យ កែងផ្លូវនរោត្តម, ផ្លូវព្រះស៊ីសុវត្ថិ កែងវត្តបទុម, ផ្លូវលេខ១៩ កែង ផ្លូវលេខ១៣, ផ្លូវ១៩ កែងផ្លូវ១៨៤។
ជាមួយគ្នានេះដែរស្នងការនគរបាលរាជធានីភ្នំពេញ អំពាវនាវអោយបងប្អូនប្រជាពលរដ្ឋចូលរួមគោរពតាមសេចក្តីណែនាំនេះ ដើម្បីងាយស្រួលដល់កម្លាំងសមត្ថកិច្ចក្នុងការអនុវត្តការងាររបស់ខ្លួន ជាពិសេសដើម្បីកុំអោយមានការកកស្ទះ និងងាយស្រួលដល់អ្នកថ្មើរជើងដើម្បីដើរចូលទស្សនាកម្មវិធីកំសាន្តនានា៕
