ឪពុក Floyd ទម្លាយថា កូនខ្លួននឹងឡើងសង្វៀនវិញក្នុងឆ្នាំនេះ អាចប៉ះ Pacquiao
ថ្ងៃទី ០២ ខែមីនា ឆ្នាំ ២០១៩ ម៉ោង 4:28PM
Floyd Mayweather នឹងត្រលប់មកកាន់សង្វៀនតទល់នឹង Manny Pacquiao ឬកីឡាករណាម្នាក់ដែលសមជាមួយគេក្នុងឆ្នាំនេះ។ នេះជាការទម្លាយឲ្យដឹងពីឪពុករបស់ Floyd។
Mayweather វ័យ៤២ឆ្នាំបានសម្រេចព្យួរស្រោមដៃ បន្ទាប់ពីយកឈ្នះលើ Conor McGregor កាលពីខែ សីហា ឆ្នាំ ២០១៧។ ប៉ុន្តែគេបានត្រលប់មកកាន់សង្វៀនវិញកាលពីខែធ្នូកន្លងទៅ ក្នុងការប្រកួតមិនផ្លូវការមួយទល់នឹងកីឡាករជប៉ុន Tenshin Nasukawa និងត្រូវបានលេចឭព័ត៌មានជាច្រើនថារូបគេត្រូវជួប Pacquiao ម្ដងទៀត។
លោក Floyd Snr ជឿជាក់ កូនប្រុសរបស់លោកនឹងពាក់ហ្គង់ឡើងប្រកូតម្ដងទៀតក្នុងពេលឆាប់ៗ។ “ខ្ញុំគិតថា Floyd នឹងត្រលប់មកវិញ ពេលដែលជួបដៃគូស័ក្ដិសម។ Pacquiao គេបានត្រលប់មកសង្វៀនវិញ ដូច្នេះពួកគេអាចសងសឹកគ្នាម្ដងទៀតបាន”។ សម្ដីរបស់ Floyd Snr៕
