ពិរោះកប់!! ស្ងាត់ៗនាយត្បាល ចេញបទចម្រៀង ពិសាអំបុកដូនតារក្សាសន្តិភាព»

បន្ទាប់ពីសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងជាប្រធានគណបក្សប្រជាជនកម្ពុជា បានប្រកាសអំពីការរៀបចំពិធីហូបនំអំបុក នៅគ្រប់មូលដ្ឋាន នៅទូទាំងប្រទេសកម្ពុជា នៅថ្ងៃទី៩ ខែវិច្ឆិកា ឆ្នាំ២០១៩ខាងមុខនេះ ក្នុងគោលបំណងការពារជាតិ សាសនា ព្រះមហាក្សត្រ។ តារាកម្លែងប្រចាំស្ថានីយ៍ទូរទស្សន៍CTN នាយត្បាល បានបញ្ចេញនូវបទចម្រៀងមួយបទ មានចំណងជើងថា «ពិសាអំបុកដូនតារក្សាសន្តិភាព» ​ដែលនិពន្ធដោយផ្ទាល់ ធ្វើឲ្យមានការចាប់អារម្មណ៍ពីសំណាក់ទស្សនិកជន។

សូមរំលឹកផងដែរថា ថ្លែងក្នុងឱកាសដែលសម្តេចតេជោ ហ៊ុន សែន អញ្ជើញវិញ្ញាបនបត្រ និងសញ្ញាបត្រជូនសិស្សថ្នាក់វិជ្ជាជីវៈគរុកោសល្យ និងនិស្សិតបញ្ចប់ថ្នាក់បរិញ្ញាបត្រ និងបរិញ្ញាបត្រជាន់កាលពីថ្ងៃទី២ ខែតុលា ឆ្នាំ២០១៩ សម្តេចតេជោ ហ៊ុន សែន បានអំពាវនាវទៅកាន់ថ្នាក់ដឹកនាំ និងសកម្មជនគណបក្សប្រជាជនទាំងអស់ ត្រូវរៀបចំ និងធានាឱ្យបានថា មានអំបុកហូបគ្រប់គ្នា នៅថ្ងៃទី៩ វិច្ឆិកា។ សម្តេចតេជោ ហ៊ុន សែន អំពាវនាវដល់ប្រជាពលរដ្ឋចូលរួមហូបអំបុកពីថ្ងៃទី៩ ដល់ថ្ងៃទី១២ វិច្ឆិកា ដើម្បីចូលរួមការពារជាតិ សាសនា និងព្រះមហាក្សត្រ។

ថ្ងៃទី៩ ខែវិច្ឆិកា ឆ្នាំ២០១៩ ខាងមុខនេះ ក៏ចំនឹងថ្ងៃកំណត់ដែលលោក សម រង្ស៉ី ប្រកាសវិលចូលប្រទេសកម្ពុជា។

ចង់ដឹងថា «ពិសាអំបុកដូនតារក្សាសន្តិភាព របស់សាន មានអត្ថន័យយ៉ាងណានោះ សូមប្រិយមិត្តទស្សនិកជន រីករាយសណ្ដាប់ទាំងអស់គ្នា៖