ក្រោយការចាប់ខ្លួនលោក ផែង វណ្ណៈ ពេលនេះអ្នកនាំពាក្យក្រសួងការពារជាតិបានប្រកាសថា….

កាលពីវេលាថ្ងៃត្រង់ មានការភ្ងាក់ផ្អើលមួយក្រោយពេល កងកម្លាំងបានចុះចាប់ខ្លួនលោក ផែង វណ្ណះ ដែលត្រូវបានគេស្គាល់តាមរយះ សង្គម ហ្វេសប៊ុក ដ៏ល្បីល្បាយម្នាក់ ដែលត្រូវ មេធាវីរបស់ លោក នាយករដ្ធមន្រ្តី ហ៊ុន សែន ក្រោយពីលោក ផែង វណ្ណះ បានចោតប្រកាន់ថាលោក នាយករដ្ធមន្រ្តី ហ៊ុន សែន មានការពាក់ព័ន្ធនិង ឃាតកម្ម កែមឡី៕

ជាក់ស្តែងក្រោយពីមានការឃាត់ខ្លួនលោក ផែង វណ្ណៈ នាយឧត្តមសេនីយ៍ ឈុំ សុជាតិអ្នកនាំពាក្យក្រសួងការពារជាតិ តាមរយៈបណ្តាញព័ត៌មាន ក្នុងស្រុកមួយនៅថ្ងៃទី០២ ខែមេសា ឆ្នាំ២០១៩នេះ បានប្រកាសគាំទ្រចំពោះចំណាត់ការផ្លូវច្បាប់របស់សមត្ថកិច្ច និងតុលាការចំពោះបុគ្គល ផែង វណ្ណៈ ដែលមានក្របខណ្ឌជាយោធិន (ថ្នាក់វរសេនីយ៍ទោ អត្តលេខ 165747) ប៉ុន្តែតែងតែយកបណ្តាញសង្គម Facebook ធ្វើជាមូលដ្ឋានវាយប្រហារគេឯងតាមអំពើចិត្ត។

នាយឧត្តមសេនីយ៍ ឈុំ សុជាត បានអះអាងថា យោធិនមិនអាចធ្វើអ្វីតាមតែអំពើចិត្តបានទេ ជាពិសេសទង្វើដែលផ្ទុយនឹងច្បាប់ស្តីពីលក្ខន្តិកៈទូទៅរបស់យោធិន។ យោធិនមានច្បាប់គ្រប់គ្រងតឹងរឹងណាស់ ដែលមិនអាចធ្វើអ្វីតាមអំពើចិត្តបាននោះទេ។ សូមបញ្ជាក់ថា រហូតដល់រសៀល ថ្ងៃទី០២ ខែមេសា ឆ្នាំ២០១៩ កម្លាំងអាវុធហត្ថលើផ្ទៃប្រទេស បាននាំខ្លួន លោក ផែង វណ្ណៈ ទៅដល់សាលាដំបូងរាជធានីភ្នំពេញហើយ ដើម្បីអនុវត្តទៅតាមនីតិវិធីច្បាប់ ពាក់ព័ន្ធបង្ហោះលើ Facebook នាំឲ្យសាធារណជនយល់ច្រឡំថា សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ពាក់ព័ន្ធនឹងឃាតកម្មលើលោក កែម ឡី៕

អត្ថបទ កែវ ច័ន្ទសុផាវរុណ