សម្តេចតេជោ ហ៊ុន សែន ប្រកាសដកហូតសិទ្ធិប្រមូលសំរាមរបស់ក្រុមហ៊ុនស៊ិនទ្រី ក្នុងរាជធានីភ្នំពេញ

សម្តេចបានថ្លែងថា ការប្រមូលសំរាមក្នុងរាជធានីភ្នំពេញ ត្រូវដាក់ឲ្យដេញថ្លៃសារជាថ្មី ដោយត្រូវមានក្រុមហ៊ុន ៣ឬ៤ សម្រាប់ការប្រមូលសំរាម នៅក្នុងរាជធានីភ្នំពេញ ខណៈដែលក្រុមហ៊ុន ស៊ិនទ្រី តែមួយ គឺមិនអាចប្រមូលសំរាមនៅភ្នំពេញបានប្រសិទ្ធភាពនោះទេ គឺត្រូវមានក្រុមហ៊ុនយ៉ាងតិច ៣ឬ៤ ។

សូមបញ្ជាក់ផងដែរ ការប្រកាសដកហូតសិទ្ធិរបស់ក្រុមហ៊ុនស៊ិនទ្រី ធ្វើឡើងក្រោយកន្លងមកនេះ ត្រូវបានមហាជនជាច្រើន បាននាំគ្នារអ៊ូរទាំ ពីបញ្ហាសំរាមនៅក្នុងរាជាធានីភ្នំពេញ និងមិនពេញចិត្តនូវសេវាកម្មប្រមូលសំរាមរបស់ក្រុមហ៊ុនមួយនេះ ដែលធ្វើការប្រមូលសំរាមយឺតយ៉ាវ ប៉ះដល់ការរស់នៅរបស់ប្រជាពលរដ្ឋផងដែរ៕