ស្លាប់ម្នាក់ និង២នាក់ទៀតរបួសធ្ងន់ ក្នុងករណីគ្រោះថ្នាក់ចរាចរណ៍ នៅក្រុងសំរោង
(ឧត្តមមានជ័យ)៖ លោកវរសេនីយ៍ទោ ធូ សុភា ការិយាល័យចរាចរណ៍ខេត្ត ឧត្តរមានជ័យបានឱ្យដឹងថាមនុស្សម្នាក់បានស្លាប់នៅកន្លែងកើតហេតុ និងមនុស្ស២នាក់ ទៀតបានរងរបួសធ្ងន់ក្នុងករណីគ្រោះថ្នាក់ចរាចរណ៍រវាងម៉ូតូនិងម៉ូតូ។ ហេតុការណ៍គ្រោះថ្នាក់ខាងលើបានកើតឡើងកាលពីវេលាម៉ោង១៩និង១០នាទីយប់ ថ្ងៃទី២០ ខែតុលា ឆ្នាំ២០១៩ ស្ថិតនៅក្នុងភូមិគោកភ្លុក សង្កាត់កូនក្រៀល ក្រុងសំរោង ខេត្តឧត្តរមានជ័យ ស្ថិតនៅលើផ្លូវលេខ២៦៨៦ ចន្លោះគីឡូម៉ែត្រលេខ។
លោកនាយការិយាល័យចរាចរណ៍បានឱ្យបានបន្តថាជនរងគ្រោះរួមមាន ១-អ្នកបើកបរម៉ូតូឈ្មោះ យួន ឡេង ភេទស្រី អាយុ២៣ឆ្នាំ (របួសសធ្ងន់) មុខរបរបុគ្គលិកក្រុមហ៊ុនការស៊ីណូ (មិនមួកសុវត្តិភាព) រស់នៅភូមិអួរអង្រែ ឃុំត្រពាំងតាវ ស្រុកអន្លង់វែង ខេត្ត្តឧត្តរមានជ័យ បើកបរម៉ូតូម៉ាកហុងដាឌ្រីម C125 ផលិតឆ្នាំ២០១៩ ពាក់ស្លាកលេខឧត្តរមានជ័យ 1D-1606 បើកបរពីលិច ទៅកើត ២-អ្នករួមដំណើឈ្មោះ ទិត្យ សុខេង ភេទស្រី អាយុ២០ឆ្នាំ (មិនពាក់មួកសុវត្តិភាព) រស់នៅក្នុងភូមិទួលដាលា ឃុំត្រពាំងប្រីយ ស្រុកអន្លង់វែង ខេត្តឧត្តរមានជ័យស្លាប់។៣-អ្នកបើកបរម៉ូតូស្គុបពីឈ្មោះ ហាន កៃ ភេទប្រុស អាយុ២០ឆ្នាំ រស់នៅក្នុងភូមិត្រពាំងត្រាវ ឃុំត្រពាំងត្រាវ ស្រុកអន្លង់វែង ខេត្តឧត្តរមានជ័យ (របួសធ្ងន់បាក់ជើងជើងឆ្វេង)។
រីឯអ្នកបើករថយន្តធំឈ្មោះ ពៅ ភ័ស្ស ភេទប្រុស អាយុ៣៥ ឆ្នាំ មុខរបរអ្នកបើកឡាន រស់នៅក្នុងភូមិគរ ឃុំគរ ស្រុកព្រៃឈរ ខេត្តកំពង់ចាម បើកបរថយន្តម៉ាកពុយសូ ពណ៌ប្រផេះ ផលិតឆ្នាំ២០០១ ពាក់ស្លាកលេខ ព្រះសីហនុ 3A-7512 (ក្បាល) កំពង់ចាម 4A-0547(កន្ទុយ)។
លោកវរសេនីយ៍ទោ ធូ សុភា បានបន្តទៀតថាមូលហេតុម៉ូតូហុងដាឌ្រីមឡើងវ៉ារថយន្តធំទៅបុកជាមួយម៉ូតូស្គុបពី មកពីទិសផ្ទុយ ខ្ទាតអ្នករួមដំណើរចូលក្រោមកងរថយន្តខាងក្រោយប៉ែកខាងឆ្វេងបណ្តាលឱ្យស្លាប់ភ្លាមៗ នៅនិងកន្លែងកើតហេតុ។
បច្ចុប្បន្នអ្នករងរបួស២នាក់ត្រូវបានសមត្ថកិច្ចបញ្ជូនទៅមន្ទីរពេទ្យខេត្តនិងវត្ថុ តាងត្រូវបានយកមករក្សាទុកនៅការិយាល័យនគរបាលចរាចណ៍ខេត្តដើម្បីបន្តនីតិវិធីតាមច្បាប់៕
ប្រភព៖ អគ្គស្នងការដ្ឋាននគរបាលជាតិ
