G-David ពិតជាថ្មមចិត្ត ទេព បូព្រឹក្ស មែន ធ្វើអោយអ្នកគាំទ្រច្រណែនដល់ហើយ !!
តារាចម្រៀងរ៉េបរាងសង្ហា ងួន ចាន់ដេវីតជាមួយនឹងម្ចាស់ចិត្តទេព បូព្រឹក្សពិតជាធ្វើឲ្យអ្នកគាំទ្ររបស់ពួកគេលាន់មាត់សរសើរមិនតិចទេពី ភាពផ្អែមល្អែម និងទំនាក់ស្នេហា បន្ទាប់ពីទើបតែត្រឡប់មកពីកម្សាន្តនៅឯកោះបាលី យ៉ាងរីករាយជាមួយគ្នា។
ជាក់ស្តែងថ្មីៗនេះ រូបភាពជាច្រើនសន្លឺកត្រូវបានបង្ហោះលើបណ្តាញសង្គម បង្ហាញច្បាស់ថាតារារូបនេះយកចិត្តទុកដាក់នឹងគូស្នេហ៍របស់ខ្លួនកម្រិតណា ព្រោះតាំងពីការស្លៀកពាក់ ការពាក់ស្បែកជើង និងគ្រឿងអលង្ការពេជ្រ ដែលមានតម្លៃក៏ ដេវីតគីតគូរគ្រប់សព្វឲ្យដែរ ហើយមើលទៅមានសុភមង្គលខ្លាំងណាស់។ ដោយសារមានម្ចាស់ចិត្តតាមគ្រប់ទីកន្លែងបែបនេះ ទេពបូព្រឹក្សពិតជាធ្វើឲ្យហ្វេនស្រីៗ ច្រណែននឹងមិនតិចទេ ព្រោះពិតជាកម្រណាស់មនុស្សប្រុសដែលហ៊ានរៀបចំការងារបែបមនុស្សស្រីដល់មនុស្សជាទីស្រលាញ់ណាស់។
អ្វីដែលកាន់តែរំភើប និងឃើញហើយចង់លើសជាតិស្ករ ពេល ទេព ព្រឹក្សលាន់មាត់តបម្ចាស់ចិត្តថា៖ “អរគុណបងដែលផ្តល់ភាពកក់ក្តៅ និងផ្តល់តំលៃ គោរពសិទ្ធិអូនគ្រប់ពេលវេលា G-Devith”។ សាររបស់ទេព ព្រឹក្ស៕
អត្ថបទ : កែវ ច័ន្ទសុផាវរុណ
រូបភាពយកពីFB Page & IG៖ តារាចម្រៀងរ៉េប G-Devith
