សាហាវណាស់! ករណីឃាតកម្មសម្លាប់បុរសម្នាក់រួចដុតភ្លើងដើម្បីបំផ្លាញសាកសព
(បាត់ដំបង)៖ នគរបាលស្រុករតនមណ្ឌល បានចុះធ្វើកោសល្យវិចយ័ លើសាកសពបុរសម្នាក់ ករណីឃាតកម្ម បង្កដោយជនសង្ស័យមិនស្គាល់អត្តសញ្ញាញ កាលពីថ្ងៃទី១៧ ខែតុលា ឆ្នាំ២០១៩ ស្ថិតនៅចំណុចគល់ស្ពានដងទង់ នៅក្នុង ភូមិផ្លូវមាស ឃុំផ្លូវមាស ស្រុករតនមណ្ឌល ខេត្តបាត់ដំបង ។
មន្ត្រីនគរបាលស្រុករតនមណ្ឌលបានឲ្យដឹងថា៖ ជនរងគ្រោះមិនស្គាល់អត្តសញ្ញាណ ភេទប្រុស អាយុប្រហែល ៤០ឆ្នាំ ដោយមានជាប់ខ្នោះដៃ ក្រពាត់មកក្រោយ ដេកផ្កាប់មុខ ក្បាលរុំថង់ពណ៌ខ្មៅ ខាងខ្នងជនរងគ្រោះមានរូបសាក់ព្រះម៉ែគង់សេអ៉ីម ។ ចំណែកឯជនបង្ករមិនស្គាល់អត្តសញ្ញាណ ។
ប្រភពដដែលបានបន្តថា៖ ជនសង្ស័យបានប្រើដុតភ្លើងដើម្បីបំផ្លាញសាកសព នឹងមាន ប៉ែលចូកដី នៅក្បែរសាកសពទៀតផង តាមជំនាញការិយាល័យបច្ចេកទេស និងសុខាភិបាលកោសលវិច្ឆ័យបានឲ្យដឹងថា ជនសង្ស័យជាជនបរទេស ដោយផ្អែកលើរូបសាក់ ។
ក្រោយពិនិត្យរួចសាកសពត្រូវបានមន្ត្រីជំនាញបច្ចេកទេសក្រសួងយកមកភ្នំពេញ ។
ករណីនេះកម្លាំងនគរបាលស្រុករតនមណ្ឌល កំពុងធ្វើការស្រាវជ្រាវរកសាវតាជនរងគ្រោះ តាមក្រុមហ៊ុនក្នុងខេត្ត និងក្រៅខេត្ត ដើម្បីកំណត់មុខសញ្ញាជនសង្ស័យ យកមកចាត់ការតាមនីតិវិធី ៕
ប្រភព៖ អគ្គស្នងការដ្ឋាននគរបាលជាតិ
