ពិតជាគួរអោយខ្លាចមែន !!បុរសមា្នក់មានឈ្មោះអាខោនហ្វេសបុកថា«ស្តេចខ្មោច ស្រុកអូររាំងឪ»ជិះម៉ូតូបុកខឿន​ទ្រូងផ្លូវ បានស្លាប់ភ្លាមៗ

ភ្នំពេញ​៖ យុវជនម្នាក់​មានឈ្មោះ អាខោនហ្វេសប៊ុក «ស្តេច​ខ្មោច ស្រុក​អូររាំងឪ» បានស្លាប់​បាត់បង់ជីវិត ដោយសារជិះម៉ូតូលឿន ជ្រុលទៅបុកឃឿនពុះចែកទ្រូងផ្លូវ បណ្តាលអោយដួលបោក​ក្បាល​ស្លាប់​ទាំងកណ្តាលថ្ងៃក្តៅ​ កាលពី​វេលាម៉ោង១១នឹង២០នាទីថ្ងៃត្រង់ ថ្ងៃទី០១ ខែមេសា ឆ្នាំ២០១៩ នៅតាមបណ្តោយ ផ្លូវបុរីអង្គរ ក្រុមទី២ ភូមិបឹងរាំង សង្កាត់ទួលសង្កែទី២ ខណ្ឌឫស្សីកែវ រាជធានីភ្នំពេញ។

យោងតាមប្រភពព័ត៌មានពីសមត្ថកិច្ចបានឲ្យដឹងថា ជនរងគ្រោះ មានឈ្មោះ ខុង សុឃាង ភេទប្រុស អាយុ​២០ឆ្នាំ មានស្រុកកំណើត ភូមិលេខ៥ ឃុំគងជ័យ ស្រុកអូរាំងឪ ខេត្តត្បូងឃ្មុំ មុខរបរ កម្មករក្រុមហ៊ុនលក់គ្រឿងបន្លាស់រថយន្ត បើកបរម៉ូតូម៉ាក MD ពណ៌ក្រហម គ្មានស្លាកលេខ។

សមត្ថកិច្ចបានឲ្យដឹងទៀតថា មុនពេលកើតហេតុជនរងគ្រោះ បើកបរម៉ូតូ​ម្នាក់ឯងតាមបណ្តោយ ផ្លូវបូរីអង្គរ ក្នុងទិសដៅពីជើងទៅត្បូង ក្នុងល្បឿនលឿនមកដល់ចំណុចកើតហេតុក៏​បានដួលម៉ូតូតែម្នាក់ឯង បោកទៅនឹងខឿនសួនច្បារ ពុះចែកទ្រូងផ្លូវ បែកក្បាល​ផុងលលា​ដ៏ បាក់ថ្គាម ហើយបានស្លាប់លើរយន្តសង្គ្រោះបន្ទាន់ ពេលកំពុងបញ្ជូនទៅមន្ទីរពេទ្យ។

ក្រោយកើតហេតុ សមត្ថកិច្ចបានទាក់ទងរកអ្នកស្គាល់ ជនរងគ្រោះ និងសាច់ញាតិ មក ទទួលយកសព យកទៅធ្វើបុណ្យ តាមប្រពៃណីនៅ ឯស្រុកកំណើត ដោយមានឯកសារបញ្ជាក់ពីសមត្ថកិច្ចត្រឹមត្រូវ៕

អត្ថបទ  : កែវ ច័ន្ទសុផាវរុណ