សារមហាជន៖ បក្ខពួកដង្កូវក្នុងសាច់បំផ្លាញវិទ្យាល័យចំណេះទូទៅ និងបច្ចេកទេសបាវិត
ភ្នំពេញ៖ សិស្សានុសិស្ស លោកគ្រូអ្នកគ្រូ ក៏ដូចជាប្រជាពលរដ្ឋនៅក្នុងក្រុងបាវិតសម្ដែងការហួសចិត្តនៅខណៈពេលដែលវិទ្យាល័យចំណេះទូទៅ និងបច្ចេកទេសបាវិតមានភាពរកាំរកូស ធ្វេីការងារមិនត្រូវរ៉ូវគ្នារវាងនាយក និងនាយករង ។
ភាពរកាំរកូសនេះចេះតែកេីត និងបន្តកេីតឡេីងជាច្រេីនឆ្នាំមកហេីយ គឺបន្ទាប់ពីលោក ប៉ុល សាវុធ ឡេីងជានាយកសាលាជំនួសលោក ព្រាប សារិន ខណៈដែលលោក ព្រាប សារិន មានប្រជាប្រិយភាព មានការទំនាក់ទំនងល្អ ហេីយជាមនុស្សចាស់ទុំមួយរូបនៅមូលដ្ឋានដែលអាចគៀងគរ សប្បុរសជននានាមកចូលរួមកសាងវិទ្យាល័យចំណេះទូទៅ និងបច្ចេកទេសបាវិត។
ភាពរកាំរកូសនេះជារឿងឈឺចិត្តស្អិតទ្រូង ខំកសាងពីអនុវិទ្យាល័យ ស្នេីសុំទៅជាវិទ្យាល័យបាវិតទទួលបានលទ្ធផលគួរជាទីមោទនៈ តែដឹងអីលោក ប៉ុល សាវុធ ឃេីញឱកាសល្អផ្ទេរពីអនុវិទ្យាល័យមួយក្នុងក្រុងបាវិតមកវិទ្យាល័យបាវិតមិនបានប៉ុន្មានផង ឆក់យកឱកាសនាយកសាលាបាត់ជំនួសលោក ព្រាប សារិន ដែលភាសាគេតែងតែនិយាយលេងថា “ទោះមិនបានដាំ តែបានផ្លែឆីស្រួលៗទៅវិញ” អ្នកណាមិនឈឺចិត្តទេីបជារឿងចម្លែក។
មហាជនលេីកឡេីងថាបេីចង់ដឹងច្បាស់នោះ សួរតែសិស្សទៅដឹងហេីយ វិទ្យាល័យមួយនេះកាលពីដេីមឆ្នាំ ២០១៨-២០១៩ កាលវិភាគប្រចាំសប្ដាហ៍លោក នាយករង ព្រាប សារិន ធ្វេីរួចរាល់ដាក់ឱ្យសិស្សានុសិស្ស លោកគ្រូ អ្នកគ្រូ អនុត្តន៍យ៉ាងរលូន តែមិនដឹងមានរឿងអ្វីនៅពីក្រោយឆាក(ឬទាក់ទងទៅនឹងផលប្រយោជន៍អ្វីមួយ? )ត្រូវបានលោក ប៉ុល សាវុធ ផ្លាស់ប្ដូរតាមអំពេីចិត្តធ្វេីឱ្យមានភាពមិនប្រក្រតីយ៉ាងច្រេីន។
រីឯលោក ទិត សុធី នាយករងវិទ្យាល័យចំណេះទូទៅនិងបច្ចេកទេសបាវិតកាន់កិច្ចការរដ្ឋបាលឯណេះវិញមកបំពេញការងារយឺតយ៉ាវហេីយតែងតែបបួលលោកគ្រូផ្សេងៗទៀតលេងបោះបួល ជាប្រចាំដែលធ្វេីឱ្យការបង្រៀននិងរៀនមិនបានឆ្លេីយតបនូវអ្វីដែលក្រសួងអប់រំយុវជន និងកីឡាដាក់ជូន នេះជាការលេីកឡេីងរបស់លោកគ្រូអ្នកគ្រូដែលសុំមិនបញ្ចេញឈ្មោះប្រាប់មកអ្នកសារព័ត៌មាន។
ក្នុងនោះផងដែរលោក ភី ឆាយ ដែលគេស្គាល់ជាគ្រូបង្រៀនពហុជំនាញ ពូកែខាងអែបអប ពូកែលាបពណ៌គេឯងមានមុខចេញធ្វេីអនុរក្សរាល់ឆ្នាំ ជាដៃស្ដាំនាយក មានរឿងអាស្រូវជាមួយសិស្សានុសិស្ស និងធ្លាប់វាយតប់គ្នាទៀតផង។ មិនតែប៉ុណ្ណោះសាច់ញាតិលោកប្រធានការិយាល័ អប់រំ យុវជន និងកីឡាក្រុងបាវិតគឺលោក ស៊ឹម គន្ធា មិនអន់នោះទេរឿងការធ្វេីសំណេីផ្ដល់គ្រឿងឥស្សរិយយស ក៏ដូចជាតំឡេីងកាំប្រាក់ជាដេីម គឺមិនដំឡេីងឋានៈបុគ្គលិកតាមសមត្ថភាព និងការប្រឹងប្រែងនោះឡេីយគឺផ្ដល់ជូនតែបក្ខពួក ខណៈដែលលោកគ្រូ អ្នកគ្រូមានស្នាដៃមិនបានលេីកទឹកចិត្ត នឹងធ្វេីឱ្យមានការមិនពេញចិត្តក្នុងចំណោមបុគ្គលិកយ៉ាងធ្ងន់ធ្ងរ៕
