លោកបណ្ឌិត ឡៅ ម៉ុងហៃ បើការវិលត្រឡប់របស់ សម រង្ស៊ី ជាគ្រោះថ្នាក់ធ្ងន់ធ្ងរដល់ជាតិ ត្រូវប្រកាសដាក់ប្រទេសក្នុងភាពអាសន្ន

ម្តងហើយម្តងទៀតដែលអតីតមេដឹកនាំបក្សប្រឆាំងលោក សម រង្ស៊ី ប្រកាសពីការវិលត្រលប់មកកម្ពុជាវិញនៅថ្ងៃទី៩ ខែវិច្ឆិកានោះ ប្រមុខរដ្ឋាភិបាល ក៏ដូចជាក្រសួងសំខាន់ៗបានត្រៀមខ្លួនរួចជាស្រេចដើម្បីអនុវត្តច្បាប់ ខណៈដែលអ្នកវិភាពបញ្ហាសង្គមមួយចំនួនស្នើអោយមានការចចារនយោបាយ។

សម្តេចតេជោ ហ៊ុន សែន បានថ្លែងយ៉ាងដូច្នេះថា «ការប្រមាថព្រះមហាក្សត្រ មិនមែនជារឿងសាមញ្ញធម្មតាពេកទេ! ប្រើពាក្យប្រមាថព្រះមហាក្សត្រ សុទ្ធតែវា ប្រើពាក្យវា ឲ្យព្រះមហាក្សត្រទៅធ្វើជាស្តេចល្ខោនទៅ ឲ្យព្រះមហាក្សត្រដាក់រាជទៅ វា [សម រង្ស៊ី] ព្រហើនហួស អីចឹងគោលដៅរបស់វា មិនត្រឹមតែដក ហ៊ុន សែន ចេញពីតំណែងទេ គឺដកមហាក្សត្រចេញ […] គោលដៅជាក់លាក់របស់គេមិនសំដៅត្រឹមតែ ហ៊ុន សែន ទេ សំដៅដូររបបរនេះចោលតែម្តង របបរាជានិយមអាស្រ័យរដ្ឋធម្មនុញ្ញា ប្រទេសនេះគ្មានស្តេចតទៅទៀតទេ អីចឹងទង្វើរដ្ឋប្រហារមិនអាចអត់ឱនឲ្យបានឡើយ» ។

ជាថ្មីម្តងទៀត សម្តេចតេជោ ហ៊ុន សែន បានថ្លែងបញ្ជាក់ថា ការប្រមាថព្រះមហាក្សត្រ គឺជាទោសធ្ងន់ធ្ងរបំផុត ហើយការប្រមាថរបស់ក្រុមឧទ្ទាម សម រង្ស៊ី ជារឿងមិនអាចអត់ឱនឱ្យបាននោះឡើយ៕

អត្ថបទ៖ សុខ​ លាភ