អាសង់និងអាវ៉ែវប្រលះគ្នាពេញទំហឹងលាន់ដូចរន្ទះនៅលើស្ពានអ្នកលឿងស្លាប់ទាំងពីរនៅនឹងកន្លែង
(ខេត្តព្រៃវែង)៖ មានគ្រោះថ្នាក់ចរាចរណ៍រវាងម៉ូតូ និងម៉ូតូទិសដៅបញ្រ្ចាស់គ្នាបណ្តាលឲ្យស្លាប់ទាំងសងខាងភ្លាមៗនៅនឹងកន្លែង នៅរសៀលថ្ងៃទី២៨ ខែកញ្ញា វេលាម៉ោង២ នឹង១៥នាទីរសៀល នៅលើស្ពានអ្នកលឿងក្នុងភូមិព្រែកខ្សាយ ឃុំព្រែកខ្សាយ(ក) ស្រុកពាមរក៍ ខេត្តព្រៃវែង។
ម៉ូតូមួយគ្រឿងម៉ាកហុងដាC125ពណ៌ខ្មៅស្លាកលេខភ្នំពេញ1BD-8281បើកបរទិសដៅពីលិចទៅកើត ដោយឈ្មោះខេង ភារម្យភេទប្រុស អាយុ 39ឆ្នាំ ជនជាតិខ្មែរ មុខរបររត់ម៉ូតូឌុបមានទីលំនៅភូមិស្រះថ្កូវ ឃុំកំពង់សឹង ស្រុកព្រះស្តេចខេត្តព្រៃវែង ស្លាប់នៅកន្លែងកើតហេតុ។
ម៉ូតូម៉ាកវ៉េវអុី ពណ៌ខ្មៅស្លាកលេខកំពង់ឆ្នាំង1A-1666បើកបរទិសដៅពីកើតទៅលិច ដោយឈ្មោះឌុក វ៉ា ភេទប្រុស អាយុ 45ឆ្នាំ ជនជាតិខ្មែរមុខរបរជាងសំណង់មានទីលំនៅភូមិរាំងដេក ឃុំគគីធំស្រុកកៀនស្វាយ ខេត្តកណ្តាលស្លាប់នៅកន្លែងកើតហេតុ។មូលហេតុម៉ូតូទាំងពីបើកបរក្នុងល្បឿនលឿនខ្វះការប្រុងប្រយ័ត្តមិនប្រកាន់ស្តាំដៃរាងៗខ្លួន។
សាកសពទាំងពីរ បានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី។ ចំពោះម៉ូតូទាំងពីរគ្រឿងសមត្ថកិច្ចយករក្សាទុកនៅប៉ុស្តិ៍រដ្ឋបាលព្រែកខ្សាយ(ក)៕
អត្ថបទ៖ សុខ លាភ
