លោក តាន់ គីមសួរ ចង់អោយប្រជាជនខ្មែរដាំដើមឈើត្រឹមតែ១០ម៉ឹនដើមក្នុងឳកាស Earth Day ខាងមុខនេះ
ភ្នំពេញ៖ លោកអ្នកពិតជាបានស្គាល់វិរៈបុរសហ្វេសបុកលោក តាន់ គីមសួរ ដែលតែងតែជួយឈឺឆ្អាលរឿងសង្គមរហូតមក ហើយកាលពីម្សិលមិញនេះលោកបានសរសេររៀបរាប់ពីប្រជាជនប្រទេសឥណ្ឌា ដែលពួកគេអាចបំបែកកំណត់ត្រាពិភពលោក ក្នុងរយៈពេលត្រឹមតែ១២ម៉ោង ប្រជាជនឥណ្ឌាដាំដើមឈើបានរហូតទៅដល់៦៦លានដើម។
ដោយឡែកយើងក្រឡេកមកមើលប្រទេសកម្ពុជាយើងវិញ ក្នុងមួយឆ្នាំៗចំនួននៃការដាំដើមឈើមិនបានប៉ុន្មានដើមនៃប្រទេសគេផង ស្របពេលដែរប្រជាជនប្រទេសកម្ពុជាយើងក៏មានចំនួន១៧លាននាក់ជាង ដូច្នេះហើយទើបលោក តាន់ គីមសួរ បានបង្ហោះសារមួយនៅលើគណនីហ្វេសបុករបស់លោកថា«កំណត់ត្រាពិភពលោក ក្នុងរយៈពេល១២ម៉ោង ប្រជាជនឥណ្ឌាដាំដើមឈើបាន៦៦លានដើម»៕
លោកក៏បានបន្តទៀតថា«តើក្នុងឱកាស earth dayខាងមុខនេះ ប្រជាជនខ្មែរទូទាំងប្រទេសអាចដាំត្រឹម១០ម៉ឺនដើមបានទេ? ខ្ញុំចង់រៀបកម្មវិធីនេះ តើគាំទ្រទេ?» វាជារឿងល្អណាស់បើសិនប្រទេសកម្ពុជាយើងអាចដាំដើមឈើបាន១០ម៉ឹនក្នុងមួយឆ្នាំពិតមែន ព្រោះសព្វថ្ងៃព្រៃឈើកំពុងតែស្បើយហើយដែរ។
អត្ថបទ ដកស្រង់ កែវ ច័ន្ទសុផាវរុណ
