ហ្វេនៗរបស់ Apple នៅសិង្ហបុរី កំពុងក្រាលកន្ទេលដេកចាំទិញ iPhone 11 ចេញភ្លាមទិញភ្លែត បានប្រើមុនគេ

ស្មាតហ្វូន iPhone 11 ចំនួន ៣ម៉ូដែល អាចកម្មង់ទុកមុនបានតាំងពីថ្ងៃទី១៣ ខែកញ្ញា ឆ្នាំ២០១៩ មកម៉្លេះ។ ហើយសម្រាប់ប្រទេសមួយចំនួន ទូរស័ព្ទទាំង ៣នេះ នឹងមានលក់នៅក្នុងហាងនានា ចាប់ពីថ្ងៃទី២០ ខែកញ្ញា។ ក្រឡេកមកមើលសិង្ហបុរីវិញគេឃើញថា ហ្វេនរបស់ក្រុមហ៊ុន Apple ក៏បានចាប់ផ្តើមតម្រង់ជួររួចជាស្រេចតាំងពីម្សិលមិញ ដើម្បីចង់ធ្វើជាម្ចាស់ដំបូងនៃ iPhone 11 ទាំង ៣ ។​ មុនថ្ងៃចេញលក់ជាផ្លូវការមួយថ្ងៃ គេឃើញថា ហ្វេន iPhone ទាំងនោះមានទាំងឆ័ត្រ ជម្រកបណ្តោះអាសន្ន កន្ទេល និងអីវ៉ាន់ផ្សេង ដើម្បីដេកចាំទិញទូរស័ព្ទស៊េរីថ្មីរបស់ Apple ។ បើចង់ជ្រាបច្បាស់ ខាងក្រោមនេះគឺជារូបថតមួយចំនួន ដែលថតនៅថ្ងៃទី១៩ ខែកញ្ញា ប្រហែលម៉ោង ១រសៀល៖