ក្រោយបដិសេធមិនឡើងច្រៀងអស់ជាង ៦០ក្រុមហ៊ុន ខេមរៈ សិរីមន្ត ខាតបង់ប្រាក់អស់រាប់ម៉ឺនដុល្លារ ដោយសារតែ…
ប្រិយមិត្តប្រាកដជាបានដឹងរួចហើយ តារាចម្រៀងស្រី ខេមរៈ ស្រីពៅ ដែលជាប្អូនស្រីរបស់ កំពូលតារាចម្រៀងប្រុសរបស់ផលិតកម្មហង្សមាសលោក ខេមរៈ សិរីមន្ត បានទទួលមរណភាពទាំងវ័យក្មេងនិងសោកស្តាយបំផុតនោះ កាលពីថ្ងៃទី៣០ ខែមករា។
ចំពោះមរណៈទុក្ខនេះដែរ លោក ខេមរៈ សេរីមន្ត បានប្រកាសកាន់ទុក្ខប្អូនស្រីរហូតដល់ទៅ ៣ខែ ហើយកំពូលតារាចម្រៀងរូបនេះ ក៏បានលុបសំណើអស់ជាង ៦០ក្រុមហ៊ុន ដែលបានទាក់ទងលោក។
ចំពោះរឿងនេះ លោកត្រូវខាតបង់អស់រាប់មុឺនដុល្លារ ប៉ុន្តែបណ្ដាក្រុមហ៊ុនទាំងអស់ ដែលបានចុះកិច្ចសន្យារួចរាល់ជាមួយលោក សុខចិត្តអធ្យាស្រ័យដល់លោក ដោយមិនពិន័យជាការសងជំងឺចិត្តនោះទេ ដោយគ្រាន់តែបង្វិលជាប្រាក់ ដែលបានកក់រួចនោះត្រលប់ទៅក្រុមហ៊ុនវិញប៉ុណ្ណោះ៕
អត្ថបទ : កែវ ច័ន្ទសុផាវរុណ
