Solskjaer លោកមិនសប្បាយចិត្តនិងលទ្ធផលយប់មិញ ទោះឈ្នះក៏ដោយ
ថ្ងៃទី ៣១ ខែមីនា ឆ្នាំ ២០១៩ ម៉ោង 12:43PM
លោក Solskjaer បានដឹកនាំក្រុម Manchester United ក្នុងនាមជាអ្នកចាត់ការផ្លូវការរបស់ក្លឹបកាលពីយប់មិញនេះ ដោយទទួលបានលទ្ធផលឈ្នះ Watford ២-១។
ត្បិតតែឈ្នះបាន៣ពិន្ទុបន្ថែមទៀតមែន ប៉ុន្តែការប្រកួតនេះមិនបានធ្វើឱ្យអ្នកចាត់ការសញ្ជាតិន័រវេសពេញចិត្តឡើយ។ ផ្ទុយទៅវិញ លោកមើលឃើញថាក្រុមលេងទាងមិនមានអារម្មណ៍ក្នុងខ្លួនឡើយ ពួកគេលេងមិនសូវយល់ចិត្តគ្នា និងបណ្ដោយឱ្យក្រុមភ្ញៀវគ្រប់គ្រងបាល់បានច្រើនមែនទែន។ កត្តានេះហើយ ទើបលោកចាត់ទុកថាការដឹកនាំក្រុមជាផ្លូវការក្នុងប្រកួតដំបូង គឺធ្វើមិនបានល្អឡើយ។ក្រុមបិសាចក្រហម បាន៣ពិន្ទុយប់មិញ គឺបានធ្វើឱ្យពួកគេឡើងទៅលេខ៤ក្នុងតារាង Premier League វិញហើយ។
អត្ថបទ ៖ ពេជ្រ គឹមស្រ៊ិន
