អាជ្ញាធរអប្សរាចុះរុះរើផ្ទះពលរដ្ឋនៅភូមិធ្លកអណ្តូង សង្កាត់ស្លក្រាម ទាំងសម្តេចតេជោ មិនទាន់សម្រេច
ផ្ទះប្រជាពលរដ្ឋជាច្រើនខ្នងនៅភូមិធ្លកអណ្តូង សង្កាត់ស្លក្រាម ក្រុងសៀមរាប ត្រូវបានកម្លាំងអាជ្ញាធរអប្សរាចុះរុះរើ ទាំងដែលប្រមុខរដ្ឋាភិបាលមិនទាន់សម្រេច ខណៈដែលសមាជិកឧត្តមក្រុមប្រឹក្សាពិគ្រោះ នឹងផ្តល់យោបល់ លោក ពេជ្រ ស្រស់ បានរាយកាណ៍ករណីនេះទៅនាយករដ្ឋមន្ត្រីរួចរាល់។
ក្នុងទំព័រហ្វេសបុកលោក ពេជ្រ ស្រស់ នៅព្រឹកនេះបានអោយដឹងថា កម្លាំងអាជ្ញាធរអប្សរាចុះរុះរើផ្ទះប្រជាពលរដ្ឋនៅភូមិធ្លកអណ្តូង សង្កាត់ស្លក្រាម ក្រុងសៀមរាបទាំងករណីនេះសម្តេចតេជោមិនទាន់សម្រេចយ៉ាងណានៅឡើយទេ ហើយករណីនេះ ខ្ញុំបានជម្រាបជូនសម្តេចតេជោ រួចហើយដែរ ជាការឆ្លើយតបរបស់សម្តេចតេជោ លោកបានឲ្យអភិបាលខេត្តជួយដោះស្រាយ
ផងដែរ ប៉ុន្តែនៅពេលនេះស្រាប់តែមានការចុះរុះរើផ្ទះពលរដ្ឋដដែល។
ក្រុមប្រជាពលរដ្ឋដែលឈរមើលក្រុមវាយកម្ទេចផ្ទះពលរដ្ឋកាលពីព្រឹកមេញនោះ នាំគ្នានិយាយទាំងហួសចិត្តថា អាជ្ញាធរហាក់គ្មានបេះដូង ផ្ទះគាត់រស់នៅជាច្រើនឆ្នាំ។ក្នុងហេតុការណ៍រុះរើនេះគឺមានពលរដ្ឋ២នាក់យំរហូតសន្លប់បាត់ស្មារតីផងដែរ៕
អត្ថបទ៖ សុខ លាភ
