លោក ពេជ្រ ស្រស់ ៖ ពេលណាកម្ពុជាទើបឈប់មានវប្បធម៌ក្តិចត្រួយ ?
ភ្នំពេញ៖ ប្រទេសជាតិត្រូវការបញ្ញវន្តដែលមានចំណេះដឹងពិតប្រាកដមកជួយ ចុះបើបញ្ញវន្តប្រែជាមានចិត្ដចង្អៀត ក្បិតក្បៀត លាក់ចំណេះ និងចង់តែក្តិចត្រួយ ធ្វើម្ដេចទើបអាចជួយឱ្យមានកំណើនធនធានមនុស្សបាន ពូជខ្មែរខ្ញុំមួយចំនួនគឺអញ្ចឹង។
អ្នកនយោបាយរលកក្រោយលោក ពេជ្រ ស្រស់ ប្រធានគណបក្សយុវជនកម្ពុជា សរសេរនៅក្នុងបណ្តាញទំនាក់ទំនងសង្គម អមជាមួយរូបភាពបញ្ញាវន្ត័ខ្មែរដែលត្រូវសារព័ត៌មានចេញផ្សាយរឿងអវិជ្ជមានចំពោះបញ្ញាវន្ត័កម្ពុជា នៅព្រឹកថ្ងៃទី៣ខែសីហា ថា លូតមិនបានទេ គឺក្តិចត្រួយតែម្តងបើជួយគេហើយហេតុអ្វីចាំបាច់ត្រូវការតបស្នងឬមើលបណ្តាំធ្វើអ្វី? ចុះអាអ្នកចង់ផ្សាយនឹងហេតុអ្វីត្រូវតែឲ្យគេច្បាស់លាស់ថ្ងៃខែវិលចូលមាតុភូមិវិញអញ្ចឹង? ដើរ ដេកអង្គុយ គឺជាសិទ្ធិរបស់ ភារិន ទេតើ ហេតុអ្វីចាំបាច់ឲ្យគ្នាត្រូវតែកំណត់ពេលឲ្យលោកម្ចាស់សម្ភាសន៍ចឹង?
លោកបន្ថែមថា សូមខ្មែរមួយចំនួនយើងអើយ សុំមេត្តាឈប់បាន ឈប់ទៅអាចរិតក្តិចត្រួយនឹង ខ្មាស់ជាតិគេផង..! គេដទៃជីកកំណប់បាន បែរជាអាម្ចាស់កំណប់នេះខំប្រឹងបំផ្លាញនូវកំណប់នេះទៅវិញ ទាំងអ្នកដទៃនោះមិនបានយកកំណប់នេះផង។
ពេលណាខ្មែរមួយចំនួនបើកចិត្តឲ្យទូលាយជាមួយខ្មែរដូចគ្នាទៅទាំងនេះគឺសបញ្ជាក់ឲ្យឃើញថាសង្គមខ្មែររងបែកបាក់ពីលើដល់ក្រោមហើយគឺពីអ្នកនយោបាយដល់សង្គមមនុស្សធម្មតា។
អត្ថបទ៖ សុខ លាភ
