បទចម្រៀង “ឱ! ទឹកជំនន់អើយ” របស់លោក ខេមរៈ សិរីមន្ត ចេញ MV ជាផ្លូវការហើយ

កាលពីកន្លងទៅថ្មីៗនេះប្រទេសកម្ពុជាបានជួបនូវគ្រោះទឹកជំនន់ ដោយខេត្តជាច្រើនបានជន់លិចធ្វើឲ្យខូចខាតដល់ដំណាំស្រូវស្រែចម្ការ ព្រមទាំងបងប្អូនប្រជាពលរដ្ឋត្រូវបង្ខំចិត្តចាកចេញពីផ្ទះដើម្បីទៅស្នាក់នៅទីទួលបណ្តោះអាសន្ន។ ក្នុងនោះយើងឃើញមានសកម្មភាពចុះជួយផ្តល់អំណោយជាច្រើនពីថ្នាក់ដឹកនាំ និងសប្បុរសជន ព្រមជាមួយការមូលកម្លាំងគ្នាពីក្រុមសិល្បករ សិល្បការិនីប្រកាសស្វែងរកជំនួយ។

ចម្រៀងមួយបទរបស់លោក ខេមរៈ សិរីមន្ត ដែលបានចេញកាលពីឆ្នាំទៅមុនចំណងជើងថា “ឱ!ទឹកជំនន់អើយ” ហាក់ទទួលបានការចាប់អារម្មណ៍គាំទ្រសារជាថ្មីម្តងទៀត ព្រោះតែបទចម្រៀងមួយបទនេះ វាបានឆ្លុះបញ្ចាំងពីហេតុការណ៍ដែលបានកើតឡើងក្នុងគ្រោះធម្មជាតិទឹកជំនន់នេះ។ យ៉ាងណាមិញពេលនេះ MV ជាផ្លូវការរបស់ចម្រៀងមួយបទនេះបានចេញរូបរាងហើយ ក្រោយរង់ចាំអស់រយៈពេលជាង១ឆ្នាំ ដោយក្នុងនោះយើងសង្កេតឃើញមានវត្តមានអ្នកនាង សារ៉ាយ សក្ខណា ចូលរួមសម្តែងផងដែរ។ តោះទស្សនាទាំងអស់គ្នា៖