បុរសជនជាតិចិនម្នាក់ ត្រូវដែកធ្លាក់ពីដងយោងត្រូវចំក្បាលរបួសធ្ងន់ នៅក្រុងព្រះសីហនុ
(ព្រះសីហនុ)៖ មានការភ្ញាក់ផ្អើលខ្លាំងមួយបានកើតឡើង ដោយមានបុរសម្នាក់ជាជនជាតិចិន ត្រូវបានដែកធ្លាក់ពីដងយោងត្រូវចំក្បាលបណ្តាលឲ្យបែកហូរឈាម រងរបួសធ្ងន់ ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ ។
ហេតុការណ៍នេះកើតឡើងកាលពីល្ងាចថ្ងៃ៣០ ខែសីហា ឆ្នាំ២០១៩ ក្នុងការដ្ឋានសំណង់របស់ជនជាតិចិនមួយកន្លែង ភូមិ៤ សង្កាត់លេខ៤ ក្រុងព្រះសីហនុ ខេត្តព្រះសីហនុ ។
បន្ទាប់ពីកើតហេតុភ្លាមៗ ជនរងគ្រោះខាងលើត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ ហើយក៏មានសមត្ថកិច្ចចុះទៅពិនិត្យផ្ទាល់ដល់ទីតាំងកើតហេតុផងដែរ៕ 
