ពិតជាអស្ចារ្យមែនទែន!!! ក្បាច់គុនល្បុក្កតោខ្មែរ បង្ហាញមុខនៅលើវិស័យភាពយន្តខ្នាតយក្សរបស់ចិន
ភ្នំពេញ : អ្នកទាំងអស់គ្នាបានដឹង មកហើយអំពីក្បាច់គុណល្បុក្កតោខ្មែរ ដែលបានផ្សព្វផ្សាយយ៉ាងល្បីល្បាញ ៕
គុនល្បុក្កតោ គឺជាក្បាច់គុនដ៏ចំណាស់មួយរបស់ខ្មែរដែលត្រូវបានបង្កើតឡើងដោយជនជាតិខ្មែរនៅលើទឹកដីខ្មែរតាំងពីមុនការមកដល់នៃអរិយធម៌ឥណ្ឌាកាលពីជាង២ពាន់ឆ្នាំកន្លងមកហើយ។ «ល្បុក្កតោ» គឺជាបន្សំនៃពាក្យ«ល្បុក្ក»បូកនឹង«តោ»មានន័យថាសត្វតោមហាកម្លាំង ឬមហាថាមពល។ យោងតាមវចនានុក្រមរបស់សម្តេចព្រះសង្ឃរាជ ជួន ណាត ល្បុក្កតោជាអាវុធដំបងខ្លីមួយប្រភេទអបភ្ជាប់នឹងកំផួនដៃសម្រាប់រងនឹងដំបងវែង ឬបុកបុះការពារខ្លួន។
ភាពល្បីល្បាញនៃក្បាច់ល្បុក្កតោនេះហើយ ទើបកាលពីពេលថ្មីៗនេះ កូនខ្មែរចេះក្បាច់គុណល្បុក្កតោនេះ បង្ហាញមុខ ដើម្បីថតខ្សែភាពយន្តកំរិតខ្នាតយក្ស ក្នុងខ្សែភាពយន្តចិនដ៏ល្បីល្បាញ ជាមួយនឹងកំពូលតារាជើងចាស់ចិនល្បីៗជាច្រើន។
បើតាមហ្វេសប៊ុកលោក Dara Bokator បានសរសេរថា៖ “ជាពេលល្អដែលកូនខ្មែរបង្ហាញនូវទេពកោសល្យ នៃសិល្បៈគុនល្បុក្កតោ ក្នុងវិស័យភាពយន្តខ្នាតយក្សរបស់ចិន ។
ពីមុនមើលរឿង Idol ឥឡូវរៀបចំបច្ចេកទេសវៃអោយidol ម្តង។ ធនធានមនុស្សក្នុងស្រុកជាដែកឆក់ក្នុងការទាក់ទាញការិនិយោគពីក្រៅស្រុក”៕
អត្ថបទ : កែវ ច័ន្ទសុផាវរុណ
