អ្នកបើកបុិនប្រសព្វណាស់ អាចបើករថយន្តហោះឡើងទៅលើរបាំងថ្មជាប់ដូចគេចាប់ដាក់ទៅមុខលេងរួច

ភ្នំពេញ៖ បុរសម្នាក់បើករថយន្តម៉ាកព្រូស១គ្រឿង មិនដឹងថាបច្ចេកទេសរបស់អ្នកបើកបរ ថ្វីដៃខ្ពស់យ៉ាងណាទើបបើករថយន្តហោះទៅឡើងគល់លើរបាំងថ្ម តែមិនបង្កឲ្យមានអ្នករងរបួស ទោះជាចង់ចុះមកវិញ ក៏មិនងាយដែរ ផ្អើលអស់ប្រជាពលរដ្ឋ សមត្ថកិច្ចងឿងឆ្ងល់ ស្នាដៃអ្នកបើកបុិនប្រសព្វ ហេតុការណ៍នេះបានកើតឡើងកាលពីវេលាម៉ោង១១និង១០នាទីយប់ថ្ងៃទី២៤ ខែសីហា ឆ្នាំ២០១៩ ស្ថិតនៅតាមបណ្ដោយផ្លូវម៉ៅសេទុងកែងនិងផ្លូវ១៩៣ ស្ថិតនៅក្នុងសង្កាត់ទួលស្វាយព្រៃទី១ ខណ្ឌចំការមន រាជធានីភ្នំពេញ។

តាមសមត្ថកិច្ចបានឲ្យដឹងថា មុនកើតហេតុ រថយន្តបង្ក ម៉ាកព្រូស ពណ៌ស១គ្រឿង ពាក់ស្លាកលេខ ភ្នំពេញ2AL-4935 បើកបរដោយបុរសម្នាក់ ក្នុងល្បឿនលឿន ពីត្បូងទៅជើង លុះដល់ចំណុចកើតហេតុ ក៏ជ្រុលទៅបុករបាំងថ្ម ហោះឡើងរបាំងថ្ម គល់ជាប់ទៅមុខលេងរួចតែមិនបង្កឲ្យមានអ្នករបួសឡើយ ។

ក្រោយកើតហេតុ ទោះជាចង់ចុះវិញក៏មិនងាយស្រួលដែរ ទាល់តែសមត្ថកិច្ចស្ទូចលើកយកទៅរក្សាទុកនៅការិយាល័យចរាចរណ៍ជើងគោក ៕