មិននឹកស្មានសោះ! ប្រទះឃើញតារាសម្តែងជើងចាស់ តាម៉ែន ជិះម៉ូតូសង់កូរ៉េយ៉ាងកញ្ចាស់! ជូនកូនមកប្រឡងយ៉ាងកម្សត់ណាស់!!
កាលពីព្រឹកថ្ងៃទី ២០ ខែសីហា ឆ្នាំ ២០១៩ នេះ ការប្រឡងសញ្ញាបត្រមធ្យមសិក្សាទុតិយភូមិ ឬ បាក់ឌុប បានដំណើរការទៅយ៉ាងរលូន និង ក្រោយបញ្ចប់ការប្រឡងមួយព្រឹកទៅនេះ នៅមណ្ឌលប្រឡងវិទ្យាល័យ ជាស៊ីម សាមគ្គី គេឃើញបេក្ខជនចេញពីប្រឡងមានទឹកមុខញញឹមញញែមសឹងគ្រប់គ្នា ដែលបញ្ជាក់ឱ្យឃើញថាពួកគេមានសង្ឃឹមក្នុងកិច្ចការដែលពួកគេបានបំពេញ ។
បើងាកទៅមើលនៅខាងមុខមណ្ឌលប្រឡងនៃមណ្ឌលវិញ គេក៏សង្កេតឃើញមានអាណាព្យាបាល ឪពុកម្តាយ បងប្អូន មកឈររង់ចាំត្រៀបត្រាពេញមុខមណ្ឌលប្រឡង ប៉ុន្តែអ្វីដែលគួរឱ្យកត់សម្គាល់ គេក៏បានចាប់អារម្មណ៍ឃើញតារាសម្តែងជើងចាស់មួយរូបឈ្មោះ មិន សារិន ហៅលោកតា ម៉ែន ក៏បានមកឈររង់ចាំកូនរបស់គាត់យ៉ាងទន្ទឹងក្រោមកំដៅថ្ងៃហែង នៅមុខមណ្ឌលប្រឡងផងដែរ ។
ក្នុងទឹកមុខបែបទន្ទឹងផ្លូវ និង មានញើសហូរចេញពីសៀតផ្កា ថ្ងាស តិចៗនោះ លោកអ៊ំ មិន សារិន ហៅលោតា ម៉ែន ក៏បានផ្តល់បទសម្ភាសជាក្រុមការងារ ប្រជាប្រិយ ផងដែរ ដោយលោកអ៊ំបានឱ្យដឹងថា នៅរយៈពេលពីរថ្ងៃនេះលោកតែងតែជិះម៉ូតូសង់កូរ៉េដើម្បីជូនកូន ឈរចាំកូន ជាមួយការយកបាយទឹកមកឱ្យកូនញ៉ាំនៅមណ្ឌលប្រឡងវិទ្យាល័យ ជាស៊ីម សាមគ្គី នេះ ។ លោកអ៊ំបានបន្តថា ក្នុងនាមជាឪពុកម្នាក់ លោកអ៊ំក៏បានលើកទឹកចិត្តដល់កូន ដើម្បីកូនមានទឹកចិត្ត និង ខិតខំសម្រាប់ការប្រឡងមួយនេះបានល្អផងដែរ ។
គួរឱ្យដឹងដែរថា លោកអ៊ំ មិន សារិន ហៅលោកតា ម៉ែន គឺជាតារាជើងចាស់សល់ពីសង្គមចាស់មួយរូប ពេលនេះលោកមានអាយុ ៨០ ឆ្នាំហើយ កន្លងមកលោកអ៊ំបានចូលរួមសម្តែងក្នុងរឿងជាច្រើន ដូចជារឿង «ចិត្តចងចាំ» ក្រោមស្នាដៃដឹកនាំរបស់ លោក ម៉ៅ អាយុទ្ធ រឿង «ទុក្ខស្រីប្តីព្រាត់» របស់លោក
សោម ដូរិន្ទ រឿង «ម្ជុលបាតសមុទ្រ» របស់ ភូមិពេជ្រ ភាពយន្ត រឿង «ដងរែក» បែបអប់រំរបស់ព្រះតេជគុណ គូ សុភាព និង មានស្ប៉តអប់រំ ស្ប៉តផ្សព្វផ្សាយការងាររដ្ឋ ខារ៉ាអូខេ ជាច្រើនទៀតដែលលោកអ៊ំមិនចាំចំណងជើងអស់ ។
កាលពីមុនលោកអ៊ំក៏ធ្លាប់ធ្វើការក្នុងភាពយន្តនៅឯក្រសួងវប្បធម៌ដែរ ក្រោយស្រុកទេសកើតសង្គ្រាមលោកតាក៏បានឈប់ ប៉ុន្តែក្រោយមកក៏បានចូលសិល្បៈម្តងទៀតនៅឆ្នាំ ១៩៧៩ ដោយបានចូលរួមជាមួយសមាគមភាពយន្តខ្មែរ រហូតមកទល់ពេលនេះលោកអ៊ំមានការងារថតក្រៅបន្តិចបន្តួច និង
