ចាប់ខ្លួនជនសង្ស័យ២នាក់ក្នុងចំណោមគ្នា៣នាក់ ក្រោយព្រួតគ្នាវាយបំផ្លាញម៉ូតូZoomer-Xមួយគ្រឿងរបស់យុវជនម្នាក់ខ្ទេចយ៉ាងដំណំ

ខេត្តរតនគិរី៖ សមត្ថកិច្ចធ្វើការឃាត់ខ្លួនជនសង្ស័យនាក់ភ្លាមៗ ក្នុងចំណោមបក្ខពួក៣នាក់ បន្ទាប់ពីបានប្រើហិង្សាដោយចេតនា វាយបំផ្លិចបំផ្លាញទ្រព្យសម្បត្តិអ្នកដ៍ទៃ ដោយបានវាយម៉ូតូមួយគ្រឿងម៉ាកZoomer-X រងការខូចខាតយ៉ាងដំណំ។

ហេតុការណ៍នេះកើតឡើងកាលពីថ្ងៃទី១៨ ខែសីហា ឆ្នាំ២០១៩ ក្នុងភូមិលើហន់ ឃុំកិចុង ស្រុកបរកែវ ខេត្តរតនៈគិរី ។

សមត្ថកិច្ចបានឲ្យដឹងថា ជនសង្ស័យទី១មានឈ្មោះ រចំ ទៀន ភេទប្រុស អាយុ២២ឆ្នាំ ជនជាតិចារាយ និងទី២ឈ្មោះ​ រម៉ាម​ ដួន ​ភេទប្រុស អាយុ១៨ឆ្នាំ ជនជាតិចារាយ ទាំង២នាក់ស្នាក់នៅភូមិលើហន់ ឃុំកិចុង ស្រុកបរកែវ ខេត្តរតនៈគិរី ។ ចំណែកជនរងគ្រោះ ឈ្មោះ រចំ អ៊ីង ភេទប្រុស អាយុ២០ឆ្នាំ ជនជាតិទំពួន មានទីលំនៅភូមិគ្រៀង ឃុំកិចុង ស្រុកបរកែវ ខេត្តរតនៈគិរី។

បច្ចុប្បន្នជនសង្ស័យទាំង២នាក់ ត្រូវបានសមត្ថកិច្ចកសាងសំណុំរឿងបញ្ជូនទៅកាន់តុលាការដើម្បីចាត់ការតាមច្បាប់បន្តទៀត៕