លោក ទៀ សីហា ករណីសិស្សស្រីឈ្មោះ ជា ចាន់ស្រីនាង លោកមិនមានសិទ្ធិក្នុងការសម្រេចនោះទេ

ឯកឧត្តម ទៀ សីហា អភិបាលនៃគណៈអភិបាល បានអោយដឹងថា ចំពោះករណីប្អូនស្រី ជា ចាន់ស្រីនាង ដែលមានបង្ហោះក្នុងបណ្តាញសង្គមហ្វេសប៊ុក ព្រឹកមិញនេះ ក្នុងនាមអាជ្ញាធរខេត្ត មិនមានសិទ្ធិក្នុងការសម្រេចដូចសារព័ត៌មានបង្ហោះនោះទេ គឺប្រធានមណ្ឌល និងរដ្ឋលេខាធិការក្រសួងអប់រំ យុវជន និងកីឡា ដែលទទួលបន្ទុកផ្ទាល់នៅមណ្ឌលសៀមរាបនេះ ដែលមានសិទ្ធិសម្រេចថាសិស្សរូបណាអាចចូលបាន ឬចូលប្រឡងមិនបាន ដោយយោងទៅតាមច្បាប់ និងសេចក្តីណែនាំរបស់ក្រសួងអប់រំ យុវជន និងកីឡា។

អភិបាលនៃគណៈអភិបាល បន្ថែមថា ក្នុងន័យនេះដែរ ខ្ញុំសូមសំណូមពរអ្នកសារព័ត៌មានទាំងអស់សូមរក្សានូវវិជ្ជាជីវៈរបស់អ្នកសារព័ត៌មាន ក្នុងការបង្ហោះនូវរូបភាព ខ្លឹមសារ និងព័ត៌មានរបស់ខ្លួន៕

អត្ថបទ៖ សុខ លាភ