កម្លាំងអធិការស្រុកស្នួលឃាត់ខ្លួនបុរសម្នាក់រួមនិងគ្រឿងញៀន២កញ្ចប់ធំ

(ក្រចេះ) : កម្លាំងជំនាញអធិការដ្ឋាននគរបាលស្រុកស្នួល នៅថ្ងៃទី២៨ ខែមិនា ឆ្នាំ២០១៩ វេលាម៉ោង ១៦:៤៥នាទីបានធ្វើការចុះបង្រ្កាបករណីជួញដូរដោយខុសច្បាប់នូវសារធាតុញៀន នៅចំណុចមុខសាលាចិន ភូមិក្បាលស្នួល ឃុំស្នួល ស្រុកស្នួល ខេត្តក្រចេះបានឃាត់ ខ្លួនជនសង្ស័យចំនួន០១នាក់ឈ្មោះ ហិន រតនា (ហៅស្វិត) ភេទប្រុស អាយុ២៩ឆ្នាំ ជនជាតិខ្មែរ រស់នៅភូមិក្បាលស្នួល ឃុំស្នួល ស្រុកស្នួល ខេត្តក្រចេះ ចាប់យកសម្ភារៈវត្ថុតាងរួមមាន៖ ម្សៅក្រាមព៌ណសសង្ស័យជាគ្រឿងញៀនម៉ាទឹកកកចំនួន០២កញ្ចប់ធំ ទូរសព្ទ័ចំនួន០១គ្រឿងម៉ាកអាយហ្វូន, ម៉ូតូចំនួនមួយគ្រឿងម៉ាកឌ្រីមសង់។

បច្ចុប្បន្នជនសង្ស័យ រួមទាំងវត្ដុតាងត្រូវបានឃាត់ខ្លួនបណ្ដោះអាសន្ននៅអធិការ ដ្ឋាននគរបាលស្រុកស្នួលដើម្បីកសាងសំណុំរឿងបញ្ជូនទៅការិយាល័យជំនាញខេត្តចាត់ការបន្តតាមនីតិវិធី៕