នារីម្នាក់នេះបានវះកាត់ដាក់បន្ទះឈីបចូលក្នុងដៃ ដើម្បីចាក់សោរថយន្ត ដោយប្រើខ្លួនរបស់គាត់ផ្ទាល់តែម្ដង
រថយន្ត Tesla Model 3 ការពិតទៅមិនមានសោដោយផ្ទាល់នោះទេ ដូច្នេះហើយការចាក់សោរបញ្ឆេះគឺត្រូវប្រើ keycard, តេឡេ ឬបញ្ហាចេញពីស្មាតហ្វូន។ ប៉ុន្តែយ៉ាងណាមិញនារីម្នាក់នេះ គាត់មានគំនិតប្លែកខុសពីម្ចាស់រថយន្ត Tesla ដទៃផ្សេងទៀត ដោយគាត់មិនចាំបាច់ចាក់សោ ចេញ/ចូល រថយន្តដោយវិធីសាស្ត្រទាំង ៣ នោះទេ គឺគាត់អាចប្រើខ្លួនរបស់គាត់ ដើម្បីចាក់សោរថយន្តតែម្ដង។
នារីម្នាក់នេះមានឈ្មោះថា Amie DD ជាវិស្វករកម្មវិធី (software engineer) គាត់បានបង្ហើបថា គាត់ធ្លាប់បានវះកាត់ដាក់បន្ទះ RFID ចូលក្នុងកំភួនដៃកាលពីប៉ុន្មានឆ្នាំមុន ហើយគាត់បានប្រើវាដើម្បីចាក់សោផ្ទះ និងធ្វើការផ្ញើឯកសារចេញពីស្មាតហ្វូន ទៅកាន់គេហទំព័រផ្ទាល់ខ្លួន -ល-។ ក្រោយមកគាត់ក៏បានគិតថា គាត់អាចនឹងប្រើវិធីនេះជាមួយនឹង Model 3 របស់គាត់ ព្រោះគាត់គិតថា ការធ្វើដូច្នេះគាត់នឹងមិនបារម្ភថា បាត់ keycard, បាត់តេឡេបញ្ជា, អស់ថ្មទូរស័ព្ទ ឬជាប់ក្នុងរថយន្តនោះទេ។
ក្រោយមកនាងក៏ធ្វើការវះកាត់ដាក់បន្ទះឈីប ដែលយកចេញពី keycard ដាក់ចូលក្នុងដៃ ស្រោបពីលើដោយសារធាតុ biopolymer ដែលធ្វើពីសំណល់រុក្ខជាតិ និងសត្វដែលងាប់ ដើម្បីជាសុវត្ថិភាព។ Amie DD គាត់បានប្រាប់មក The Verge ថា បន្ទះឈីប ដែលវះដាក់ចូលក្នុងដៃគឺដំណើរការបាន ប៉ុន្តែមិនសូវជាល្អប៉ុន្មានទេ ដោយសារដៃរបស់គាត់នៅហើម ហើយគាត់សង្ឃឹមថា វានឹងធ្វើការបានរលូននៅពេលគាត់ជាពីរបួសវះកាត់នេះ៕
