ខាត់ សុឃីមតាំងសុទ្ធ តែរូបល្ខោនខោលខ្មែរនៅក្នុងបន្ទប់ដេក

ភ្នំពេញ៖ តារាពហុជំនាញអ្នកនាង ខាត់ សុឃីម កំពុងតែកាក់កបខ្លាំងនៅក្នុងវិស័យសិល្បៈ មិនថាថតរឿង ឫក៏មុខរបរកាត់សក់តាមរោងការនានានោះទេ។ ហើយបើនិយាយពីសុភមង្គលនៅក្នុងគ្រួសាររបស់នាងវិញ គឺនៅតែមានសុភមង្គល ទោះបីជាតារារូបនេះ មានភាពមមាញឹកខ្លាំងយ៉ាងណាក៏ដោយ។

ជាក់ស្ដែង ក៏មានប្រិយមិត្តជាច្រើនបានដឹងដែរថា តារាស្រីជើងចាស់រូបនេះ ពិតជាមានចិត្តស្រលាញ់សិល្បៈផ្នែកបុរាណខ្លាំងណាស់ ។ ​ប៉ុន្តែអ្វីដែលមិននឹកស្មានដល់សូម្បីតែបន្ទប់គេងថ្មីដ៏ស្រស់ស្អាតរបស់អ្នកនាង ក៏មានរៀបចំជារូបគំនូរល្ខោនខោល ដែលច្នៃដោយស្នាដៃកូនខ្មែរ សម្រាប់ដាក់តាំងលម្អដែរ។

តួយ៉ាង គ្រាន់តែឃើញទាំងនេះ ក៏មានទស្សនិកជនជាច្រើនលាន់មាត់សរសើរពីភាពច្នៃប្រឌិតរបស់គ្រួសារតារាមួយគូនេះ ពិតជាពូកែរកនឹករៀបចំ តុបតែងណាស់ ជាពិសេសសូម្បីបន្ទប់គេងផ្ទាល់ខ្លួន ក៏អ្នកនាងនិងស្វាមី ឆ្លៀតលម្អបន្ថែមរូបសិល្បៈក្នុងនោះដែរ ពិតជាគួរឲ្យសរសើរមែន៕

អត្ថបទ : កែវ ច័ន្ទសុផាវរុណ