ស្លាប់កើនឡើងដល់៥១នាក់ដោយសារការរអិលបាក់ដីបណ្តាលមកពីជំនន់ទឹកភ្លៀងមូសុងបង្អុរធ្លាក់ខ្លាំង នៅមីយ៉ាន់ម៉ា

មីយ៉ាន់ម៉ា៖ ចំនួនអ្នកស្លាប់ដោយសារការរអិលបាក់ដី​បណ្តាលមកពីជំនន់ទឹកភ្លៀងមូសុងបង្អុរធ្លាក់ខ្លាំងបានកើនឡើងដល់៥១នាក់ហើយនៅក្នុងរដ្ឋ Mon នៃប្រទេសមីយ៉ាន់ម៉ា។ នេះបើយោងតាមមន្ដ្រីមីយ៉ាន់ម៉ាបាននិយាយកាលពីថ្ងៃអាទិត្យ។

​តំបន់ទទួលរងការជន់លិច​រួមមានទីប្រជុំជនភូ, ម៉ាល័យម៉ៃលីន, មូដថុន, Thanbyuzayat, Kyaikmaraw និង Ye។ ​

មន្រ្តីគ្រប់គ្រងគ្រោះមហន្ដរាយបានថ្លែងថាប្រតិបត្តិការស្វែងរក និងជួយសង្គ្រោះអ្នកនៅរស់រានមានជីវិតកំពុងត្រូវបានធ្វើឡើង។
​
គួរបញ្ជាក់ថាជំនន់ទឹកភ្លៀងបានជន់លិចផ្ទះសម្បែងនិងយានយន្ដជាច្រើនរួមទាំងសាលារៀនផងត្រូវបានបិទជាបណ្តោះអាសន្នចាប់តាំងពីដើមថ្ងៃសុក្រមក៕

អត្ថបទ៖ សុខ លាភ