ភ្លើងប្រច័ណ្ឌ ប្តីយកពូថៅកាប់ រួចយកកណ្តៀវអារ.កសម្លាប់ប្រពន្ធ ក្នុងចង្ក្រានបាយ !

សមត្ថកិច្ចបានឲ្យដឹងថា ជនរងគ្រោះជាប្រពន្ធមានឈ្មោះមុត ឃន អាយុ៥២ឆ្នាំ ស្នាក់នៅផ្ទះកើតហេតុខាងលើ ត្រូវបានប្តីតិរច្ឆាន ឃោឃៅ គ្មានលេខដាក់ឈ្មោះ វាល់ ភឿន អាយុ ៤៧ ឆ្នាំ បានយកពូថៅកាប់ប្រពន្ធ រួចយកកណ្តៀវអារ.ក សម្លាប់យ៉ាងឃោឃៅបំផុត ខណៈដែលប្រពន្ធកំពុងអង្គុយចៀននំនៅចង្ក្រានបាយស្លាប់ក្នុងថ្លុកឈាមយ៉ាងរន្ធត់តែម្តង។

បន្ទាប់ពីកើតហេតុភ្លាមៗ ឃាតកជាប្តីត្រូវបានសមត្ថកិច្ចចាប់ខ្លួនបានភ្លាមៗតែម្តង បញ្ជូនមកធ្វើការសាកសួរ ទើបដឹងថា បណ្តាលមកពីភ្លើងប្រច័ណ្ឌ និងកំពុងឃាត់ខ្លួនបណ្តោះអាសន្ន ដើម្បីកសាងសំណុំរឿងបញ្ជូនខ្លួនទៅកាន់តុលាការចាត់ការតាមច្បាប់បន្តទៀត ។ ចំណែកសពជនរងគ្រោះជាប្រពន្ធ ត្រូវបានសមត្ថកិច្ចធ្វើកោសល្យវិច័យ និងកំណត់ហេតុប្រគល់ឲ្យសាច់ញាតិធ្វើបុណ្យតាមប្រពៃណី៕